ആറ് വിരൽ വരുത്തുന്ന, മോതിരം അപ്രത്യക്ഷമാക്കുന്ന മജീഷ്യനായി നെതന്യാഹു, ഞെട്ടി കൈയ്യടിച്ച് ട്രംപ്; ട്രോളുമായി സോഷ്യൽമീഡിയ

ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിനെച്ചൊല്ലിയുള്ള ചർച്ചകളും വിവാദങ്ങളും സോഷ്യൽ മീഡിയയിൽ പുതിയ തലങ്ങളിലേക്ക് കടക്കുകയാണ്. യുദ്ധമുഖത്തെ വാർത്തകൾക്കിടയിലും, നെതന്യാഹു പങ്കുവെക്കുന്ന വിഡിയോകളിലെ സാങ്കേതിക അപാകതകൾ സോഷ്യൽ മീഡിയ ഉപയോക്താക്കൾക്ക് വലിയൊരു വിവാദമാക്കി മാറിയിരിക്കുന്നു. സുരക്ഷിതനാണെന്ന് കാണിക്കാൻ പുറത്തുവിട്ട വിഡിയോകൾ ഇപ്പോൾ സോഷ്യൽ മീഡിയയിൽ ട്രോളുകളാക്കി മാറിയിരിക്കുന്നു. വലിയ പ്രതിസന്ധികളിലും ട്രോൾ വിഡിയോകൾ സൃഷ്ടിക്കുന്ന സോഷ്യൽ മീഡിയയുടെ വിചിത്ര സ്വഭാവമാണ് ഇത്തരം വിഡിയോകളിൽ കാണുന്നത്.

ലാരിജാനിയുടെ വധത്തിന് പ്രതികാരം, ഇസ്രയേലിനെ നടുക്കി ഇറാന്റെ മിസൈൽ മഴ: ‘ഖൊറംഷഹർ4’, പ്രതിരോധക്കോട്ടകൾ തകരുമോ?

വിവാദങ്ങളെല്ലാം പങ്കുവച്ച മാജിക്​ഷോ വിഡിയോ

‘ബീബീസ് മാജിക് ഷോ’ (BIBI’S MAGIC SHOW) എന്നെഴുതിയ ബോർഡിന് മുന്നിൽ നെതന്യാഹു മജീഷ്യനായി നിൽക്കുന്നതും, അതിന് മുന്നിൽ ഇരിക്കുന്ന ട്രംപിന്റെ ഞെട്ടിയുള്ള പ്രതികരണവും സോഷ്യൽ മീഡിയയിലെ ഈ ‘ട്രോൾ വിഡിയോയിൽ’ കാണിക്കുന്നു. നെതന്യാഹു മോതിരം അപ്രത്യക്ഷമാക്കി കാണിക്കുന്നതും, പിന്നീട് കൈ വിടർത്തി 6 വിരലുകൾ പ്രത്യക്ഷമാക്കുന്നതുമായ ദൃശ്യങ്ങൾ ഈ വിവാദങ്ങളുടെ ഓരോ ഘട്ടത്തെയും പ്രതിനിധീകരിക്കുന്നു.

കൈ ചലിപ്പിക്കുമ്പോൾ വിരലിലെ മോതിരം അപ്രത്യക്ഷം

ഏറ്റവും പുതിയ വിവാദത്തിന് കാരണമായത് നെതന്യാഹുവിന്റെ ഔദ്യോഗിക എക്സ് (X) അക്കൗണ്ടിലൂടെ പുറത്തുവിട്ട വിഡിയോയിലെ ഒരു രംഗമാണ്. ഒരു ഘട്ടത്തിൽ അദ്ദേഹം കൈ ചലിപ്പിക്കുമ്പോൾ വിരലിലെ മോതിരം ഒരു നിമിഷം അപ്രത്യക്ഷമാവുകയും പിന്നീട് തിരികെ വരികയും ചെയ്യുന്നു. ഈ ‘മാന്ത്രിക’ രംഗം സോഷ്യൽ മീഡിയയിൽ നിമിഷനേരം കൊണ്ട് തരംഗമായി. “എന്തുകൊണ്ടാണ് നെതന്യാഹുവിന്റെ മോതിരം അപ്രത്യക്ഷമാകുന്നത്? ഇതും എഐ ആണോ?” എന്ന് ചോദിച്ചുകൊണ്ട് നിരവധി പേർ വിഡിയോ പങ്കുവെച്ചു. ഇത് എഐ ഉപയോഗിച്ച് നിർമ്മിച്ച വ്യാജ ദൃശ്യങ്ങളാണോഎന്ന സംശയമാണ് ഭൂരിഭാഗം പേരും ഉയർത്തുന്നത്.

ADVERTISEMENT

‘ആറാം വിരൽ’ വിവാദവും മറുപടിയും

കഴിഞ്ഞ ആഴ്ച പുറത്തുവന്ന മറ്റൊരു വിഡിയോയിൽ നെതന്യാഹുവിന് ഒരു കൈയ്യിൽ ആറ് വിരലുകൾ ഉള്ളതായി തോന്നിപ്പിച്ചിരുന്നു. ഈ പരിഹാസങ്ങൾക്ക് വളരെ വേഗത്തിലാണ് നെതന്യാഹു മറുപടി നൽകിയത്. കഴിഞ്ഞ ഞായറാഴ്ച അദ്ദേഹം ഒരു കഫേയിൽ കോഫി കുടിക്കുന്ന വിഡിയോ പങ്കുവെച്ചു. രണ്ട് കൈകളും ക്യാമറയ്ക്ക് മുന്നിൽ വിടർത്തിപ്പിടിച്ച് “നിങ്ങൾക്ക് എന്റെ വിരലുകൾ എണ്ണണോ? ദാ ഇവിടെ നോക്കൂ…” എന്ന് പറഞ്ഞ് തന്നെ കളിയാക്കിയവർക്ക് അദ്ദേഹം നേരിട്ട് മറുപടി നൽകി. അഞ്ച് വിരലുകൾ കൃത്യമായി എണ്ണി കാണിക്കുന്ന നെതന്യാഹുവിന്റെ ചിത്രം സോഷ്യൽ മീഡിയയിൽ മറ്റൊരു ചർച്ചയ്ക്ക് വഴിവെച്ചു.

What you should read next

ഇസ്രയേൽ-ഇറാൻ സംഘർഷം മേഖലയെ യുദ്ധത്തിലേക്ക് നയിക്കുമ്പോഴും, സോഷ്യൽ മീഡിയയിൽ നെതന്യാഹുവിനെച്ചൊല്ലിയുള്ള ഈ ‘എഐ പോരാട്ടം’ വളരെ വിചിത്രമായൊരു പ്രതിഭാസമായി മാറുകയാണ്. ഡിജിറ്റൽ യുഗത്തിൽ വിവരങ്ങളുടെ ആധികാരികത പരിശോധിക്കുന്നത് എത്രത്തോളം വെല്ലുവിളിയാണെന്ന് ഈ സംഭവങ്ങൾ ഓർമ്മിപ്പിക്കുന്നു.

ADVERTISEMENT