12,499 രൂപയ്ക്ക് എഐ സ്മാർട്ട്ഫോൺ; എച്ച്എംഡി വൈബ് 2 5ജിവിപണിയിൽ; വൻ ഓഫർ!

ഇന്ത്യൻ വിപണിയിൽ തരംഗമായി മാറിയ, രാജ്യത്തെ ആദ്യ ‘ഇൻഡസ് ബൈ സർവം എഐ’ (Indus by Sarvam AI) സാങ്കേതികവിദ്യയുള്ള എച്ച്എംഡി വൈബ് 2 5ജി (HMD Vibe2 5G) സ്മാർട്ട്ഫോൺ വീണ്ടും വില്പനയ്ക്കെത്തുന്നു. ഫ്ലിപ്കാർട്ട് വഴി ജൂൺ 3-ാം തീയതി ഉച്ചയ്ക്ക് 12 മണി മുതൽ ഉപഭോക്താക്കൾക്ക് ഈ ഫോൺ സ്വന്തമാക്കാം. 15,000 രൂപയ്ക്ക് താഴെയുള്ള സ്മാർട്ട്ഫോൺ വിപണിയിൽ കടുത്ത മത്സരം സൃഷ്ടിച്ചുകൊണ്ട്, 4 ജിബി റാമും 128 ജിബി സ്റ്റോറേജുമുള്ള (4/128GB) മോഡൽ 12,499 രൂപയെന്ന പ്രത്യേക ഓഫർ വിലയിലാണ് കമ്പനി വീണ്ടും ലഭ്യമാക്കുന്നത്. യുവതലമുറയുടെ മാറുന്ന ആവശ്യങ്ങൾക്കനുസരിച്ച് അത്യാധുനിക എഐ ഫീച്ചറുകളും മികച്ച ഡിസൈനും കുറഞ്ഞ വിലയിൽ ഒരുക്കുകയാണ് എച്ച്എംഡി ഇതിലൂടെ ചെയ്യുന്നത്. കരുത്തായി ആൻഡ്രോയിഡ് 16ഉം ഭീമൻ ബാറ്ററിയും ഏറ്റവും പുതിയ ആൻഡ്രോയിഡ് 16 (Android 16) ഓപ്പറേറ്റിംഗ് സിസ്റ്റത്തിലാണ് എച്ച്എംഡി വൈബ് 2 5ജി പ്രവർത്തിക്കുന്നത്. ഇത് ഫോണിന്റെ പ്രവർത്തനക്ഷമതയും സുരക്ഷയും വർദ്ധിപ്പിക്കുന്നതിനൊപ്പം ഉപഭോക്താക്കൾക്ക് തടസ്സമില്ലാത്ത ദൈനംദിന സ്മാർട്ട്ഫോൺ അനുഭവവും സമ്മാനിക്കുന്നു. ദീർഘനേരത്തെ ഉപയോഗത്തിന് പിന്തുണയേകാൻ 6000 എംഎഎച്ചിന്റെ (6000mAh) ഭീമൻ അഡാപ്റ്റീവ് ബാറ്ററിയാണ് ഈ ഫോണിൽ നൽകിയിരിക്കുന്നത്. ഇതിനൊപ്പം 18 വാട്ടിന്റെ ഇൻ-ബോക്സ് ചാർജറും ലഭ്യമാക്കിയിട്ടുള്ളതിനാൽ ഫോൺ ചാർജ്ജ് തീരുന്നതിനെക്കുറിച്ചുള്ള ആശങ്കകൾ ഉപയോക്താക്കൾക്ക് ഒഴിവാക്കാം. ക്യാമറയും മറ്റ് സവിശേഷതകളും മികച്ച ചിത്രങ്ങൾ പകർത്താനായി 50 മെഗാപിക്സലിന്റെ ഡ്യുവൽ എഐ ക്യാമറ സിസ്റ്റമാണ് ഫോണിന്റെ പിന്നിൽ ഒരുക്കിയിരിക്കുന്നത്. കുറഞ്ഞ വെളിച്ചത്തിലും കൃത്യതയുള്ളതും വെളിച്ചം കൃത്യമായി ക്രമീകരിച്ചതുമായ ചിത്രങ്ങൾ പകർത്താൻ ഈ ക്യാമറയ്ക്ക് സാധിക്കും. സെൽഫികൾക്കും പോർട്രെയ്റ്റുകൾക്കുമായി 8 മെഗാപിക്സലിന്റെ മുൻ ക്യാമറയും ഫോണിലുണ്ട്. ഒക്ടാ കോർ 2.3 ജിഗാഹെർട്സ് പ്രൊസസറാണ് ഫോണിന് കരുത്ത് പകരുന്നത്. സ്ക്രോളിംഗും ഗെയിമിംഗും കൂടുതൽ സുഗമമാക്കാൻ 120 ഹെർട്സ് റിഫ്രഷ് റേറ്റുള്ള ഡിസ്പ്ലേയും ഇതിലുണ്ട്. പൊടിയിൽ നിന്നും വെള്ളത്തിൽ നിന്നും സംരക്ഷണം നൽകുന്ന ഐപി64 (IP64) റേറ്റിംഗും ഈ ബഡ്ജറ്റ് ഫോണിന്റെ സവിശേഷതയാണ്. സർവം എഐ, സഞ്ചാർ സാത്തി (Sanchar Saathi), ഫ്ലിപ്കാർട്ട് എന്നിവയുമായുള്ള തന്ത്രപരമായ പങ്കാളിത്തത്തിലൂടെയാണ് എച്ച്എംഡി ഈ ഡിജിറ്റൽ സുരക്ഷയും നൂതന സാങ്കേതികവിദ്യയും കുറഞ്ഞ ചെലവിൽ ഇന്ത്യൻ ഉപഭോക്താക്കളിലേക്ക് എത്തിക്കുന്നത്. യൂറോപ്പിലെ ഏറ്റവും വലിയ സ്മാർട്ട്ഫോൺ നിർമ്മാതാക്കളായ എച്ച്എംഡി (Human Mobile Devices), സുസ്ഥിരതയ്ക്കും ഉപഭോക്താക്കൾക്ക് സ്വന്തമായി റിപ്പയർ ചെയ്യാവുന്ന (Repair-at-home) ഉപകരണങ്ങൾക്കും വലിയ പ്രാധാന്യമാണ് നൽകി വരുന്നത്. നഗരങ്ങളിലെയും ഗ്രാമങ്ങളിലെയും സാധാരണക്കാർക്ക് ഒരുപോലെ അനുയോജ്യമായ എച്ച്എംഡി വൈബ് 2 5ജി നാളെ മുതൽ ഫ്ലിപ്കാർട്ടിൽ വാങ്ങാൻ സാധിക്കും.