ആകാശത്തെ ‘അദൃശ്യ’ വജ്രായുധം; ഇന്ത്യയുടെ യുദ്ധവിമാനങ്ങളിൽ ഇനി ഇസ്രയേലിന്റെ ‘ഗോൾഡൻ ഹൊറൈസൺ’?

പ്രധാനമന്ത്രി നരേന്ദ്ര മോദിയുടെ രണ്ടാം ഇസ്രയേൽ സന്ദർശനത്തിന് മുന്നോടിയായി പുറത്തുവരുന്ന വാർത്തകൾ ചൈനയെയും പാക്കിസ്ഥാനെയും ഒരുപോലെ മുള്‍ മുനയിൽ നിർത്തുന്നതാണ്. ഇസ്രയേൽ അതീവ രഹസ്യമായി സൂക്ഷിച്ചിരുന്ന, ശത്രുരാജ്യങ്ങളുടെ പ്രതിരോധ കോട്ടകൾ നിഷ്പ്രഭമാക്കാൻ ശേഷിയുള്ള ‘ഗോൾഡൻ ഹൊറൈസൺ’ (Golden Horizon) മിസൈലുകൾ ഇന്ത്യ സ്വന്തമാക്കാൻ ഒരുങ്ങുന്നു എന്ന റിപ്പോർട്ടുകളാണ് ഇപ്പോൾ പ്രതിരോധ ലോകത്തെ ചർച്ചാവിഷയം.

ആകാശത്ത് ഇന്ത്യയുടെ ‘സർവാധിപത്യം’; 114 റഫാലുകൾ കൂടി വരുന്നു! ഇനി ഏഷ്യയിലെ ഏറ്റവും വമ്പൻ വ്യോമസേന

എന്താണ് ഗോൾഡൻ ഹൊറൈസൺ?

ആകാശത്തുനിന്ന് വിക്ഷേപിക്കാവുന്ന ഒരു ബാലിസ്റ്റിക് മിസൈലാണ് (Air-Launched Ballistic Missile – ALBM). സാധാരണയായി ബാലിസ്റ്റിക് മിസൈലുകൾ ഭൂമിയിൽ നിന്നാണ് വിക്ഷേപിക്കാറുള്ളത്. എന്നാൽ ഗോൾഡൻ ഹൊറൈസൺ യുദ്ധവിമാനങ്ങളിൽ ഘടിപ്പിച്ച് ശത്രുവിന്റെ അതിർത്തിക്ക് പുറത്തുനിന്നുതന്നെ വിക്ഷേപിക്കാൻ സാധിക്കും. പ്രത്യേകിച്ച് ഇന്ത്യൻ എയർ ഫോഴ്സിന്റെ സുഖോയ് Su-30MKI യുദ്ധവിമാനങ്ങളിൽ ഇന്റഗ്രേറ്റ് ചെയ്യാൻ.

ദൂരപരിധി: ഏകദേശം 1,500 മുതൽ 2,000 കിലോമീറ്റർ വരെ.പ്രത്യേകത: സുഖോയ് Su-30MKI വിമാനങ്ങളുമായി ഇത് സംയോജിപ്പിക്കാൻ സാധിക്കുമെന്നാണ് റിപ്പോർട്ടുകൾ. ഇതോടെ ഇന്ത്യൻ അതിർത്തി കടക്കാതെ തന്നെ ശത്രുരാജ്യങ്ങളുടെ തന്ത്രപ്രധാന കേന്ദ്രങ്ങളെ തകർക്കാൻ ഇന്ത്യക്ക് സാധിക്കും.

ADVERTISEMENT

ശത്രുക്കളുടെ ‘ഉറക്കം കെടുത്തുന്ന’ മിസൈൽ കരുത്ത്: ഒരു താരതമ്യം

ഇന്ത്യയുടെ അയൽരാജ്യങ്ങളായ ചൈനയുടെയും പാക്കിസ്ഥാന്റെയും മിസൈൽ ശേഷിയുമായി ഗോൾഡൻ ഹൊറൈസണെ താരതമ്യം ചെയ്യുമ്പോൾ ഇന്ത്യ നേടുന്ന മേൽക്കൈ വ്യക്തമാണ്.

പാക്കിസ്ഥാൻ: പാകിസ്ഥാന്റെ ഷഹീൻ മിസൈലുകൾ നിലത്തുനിന്ന് വിക്ഷേപിക്കുന്നവയാണ്. ഇവയുടെ സ്ഥാനങ്ങൾ ഉപഗ്രഹങ്ങൾ വഴി കണ്ടെത്താൻ എളുപ്പമാണ്. എന്നാൽ ഗോൾഡൻ ഹൊറൈസൺ വഹിക്കുന്ന ഒരു വിമാനം എവിടെ നിന്ന് എപ്പോൾ മിസൈൽ തൊടുക്കുമെന്ന് പ്രവചിക്കുക അസാധ്യമാണ്.

അരനൂറ്റാണ്ടിനുശേഷം വീണ്ടും ചന്ദ്രനരികിലേക്ക്!;ചരിത്രയാത്രയിൽ മാറ്റുരയ്ക്കാൻ നാല് വിസ്മയ മനുഷ്യർ, എപ്പോഴാണെന്നറിയാം

ചൈന: ചൈനയുടെ അതിശക്തമായ എയർ ഡിഫൻസ് സംവിധാനങ്ങളെപ്പോലും മറികടന്ന് ലക്ഷ്യസ്ഥാനത്ത് എത്താൻ ഈ ഇസ്രയേൽ മിസൈലിന് സാധിക്കും. ഹിമാലയൻ അതിർത്തികളിൽ നിന്ന് വിക്ഷേപിച്ചാൽ ചൈനയുടെ ഉൾപ്രദേശങ്ങളിലെ സൈനിക കേന്ദ്രങ്ങൾ വരെ ഇന്ത്യയുടെ പരിധിയിലാകും.

ADVERTISEMENT

എന്തുകൊണ്ട് ‘ഗോൾഡൻ ഹൊറൈസൺ’ ഒരു ഗെയിം ചേഞ്ചറാകുന്നു?

ഇസ്രയേലിന്റെ അതീവ രഹസ്യമായ ‘സിൽവർ സ്പാരോ’ (Silver Sparrow) മിസൈലിന്റെ പരിഷ്കരിച്ച രൂപമായാണ് പ്രതിരോധ വിദഗ്ധർ ഇതിനെ കാണുന്നത്. ഈ മിസൈൽ ഇന്ത്യയ്ക്ക് നൽകാൻ ഇസ്ര‌യേൽ സന്നദ്ധത പ്രകടിപ്പിച്ചിട്ടുണ്ട്. എന്നാൽ ഇത് സംബന്ധിച്ച ഔദ്യോഗിക കരാർ (Formal Agreement) ഇതുവരെ ഒപ്പിട്ടിട്ടില്ലെന്നാണ് പുറത്തുവരുന്ന വിവരം.ഈ കരാർ യാഥാർത്ഥ്യമായാൽ, ഈ മിസൈൽ സാങ്കേതികവിദ്യ ലഭിക്കുന്ന ആദ്യ രാജ്യമാകും ഇന്ത്യ.

പ്രഹരശേഷി: 2,000 കിലോമീറ്റർ പരിധി എന്നാൽ ഡൽഹിയിൽ നിന്ന് വിക്ഷേപിച്ചാൽ പാക്കിസ്ഥാനിലെ ഏത് നഗരവും ലക്ഷ്യം വെക്കാം.

സുന്ദർ പിച്ചൈയുടെ വമ്പന്‍ പ്രഖ്യാപനം; സമുദ്ര കേബിൾ ശൃംഖല, 1,500 കോടി ഡോളറിന്റെ ഡാറ്റ സെന്ററും ഇന്ത്യയിൽ!

പ്രതിരോധം അസാധ്യം: ബാലിസ്റ്റിക് മിസൈലുകൾ അന്തരീക്ഷത്തിന്റെ മുകൾത്തട്ടിലൂടെ അതിവേഗം വരുന്നതിനാൽ അവയെ വെടിവെച്ചിടാൻ നിലവിലെ പല മിസൈൽ വിരുദ്ധ സംവിധാനങ്ങൾക്കും കഴിയില്ല.

ADVERTISEMENT

തന്ത്രപരമായ നീക്കം: ഇന്ത്യയുടെ പക്കൽ നിലവിലുള്ള ബ്രഹ്മോസ് മിസൈലുകൾക്ക് 300-500 കി.മീ പരിധിയാണുള്ളത്. ഇതിനൊപ്പം ഗോൾഡൻ ഹൊറൈസൺ കൂടി ചേരുന്നതോടെ ദീർഘദൂര ആക്രമണങ്ങളിൽ ഇന്ത്യക്ക് ഏഷ്യയിൽ തന്നെ അജയ്യമായ സ്ഥാനം ലഭിക്കും.