‘എഐ ഉപയോഗിച്ച്’ മഡുറോയെ പിടികൂടി അമേരിക്ക? യുദ്ധരംഗത്തേക്കെത്തുന്ന സാങ്കേതികവിദ്യ, ആ രഹസ്യ നീക്കം ഇങ്ങനെ…

അമേരിക്കൻ സൈന്യം വെനസ്വേലൻ മുൻ പ്രസിഡന്റ് നിക്കോളാസ് മഡുറോയെ പിടികൂടാൻ ആർട്ടിഫിഷ്യൽ ഇന്റലിജൻസ് ഉപയോഗിച്ചെന്ന വാൾ സ്ട്രീറ്റ് ജേണൽ റിപ്പോർട്ട് പ്രതിരോധ മേഖലയിൽ വലിയ ചർച്ചകൾക്ക് വഴിവെച്ചിരിക്കുകയാണ്. കാരക്കാസിൽ നടന്ന നിർണ്ണായക സൈനിക നീക്കത്തിലാണ് അത്യാധുനിക എഐ സാങ്കേതികവിദ്യയുടെ സഹായം പെന്റഗൺ തേടിയത്. വിവിധ സൈനിക കേന്ദ്രങ്ങളിൽ ബോംബാക്രമണം നടത്തിയ ശേഷമാണ് മഡുറോയെയും ഭാര്യയെയും യുഎസ് സേന കസ്റ്റഡിയിലെടുത്തത്.

കടലിലെ ഒഴുകുന്ന ഭീമൻ കോട്ട ഇറാനിലേക്ക്; യുഎസ്എസ് ജെറാൾഡ് ആർ. ഫോർഡ് ഒരു സമ്പൂർണ വ്യോമതാവളം!

പ്രമുഖ എഐ ഡെവലപ്പർമാരായ ആന്ത്രോപ്പിക്കിന്റെസാങ്കേതികവിദ്യയാണ് ഈ രഹസ്യ ഓപ്പറേഷനിൽ ഉപയോഗിച്ചതെന്നാണ് റിപ്പോർട്ടുകൾ സൂചിപ്പിക്കുന്നത്. പെന്റഗണിന്റെ അതീവ രഹസ്യ സ്വഭാവമുള്ള (Classified) സൈനിക നീക്കങ്ങളിൽ പങ്കാളിയാകുന്ന ആദ്യ എഐ മോഡൽ ഡെവലപ്പർ എന്ന പ്രത്യേകതയും ഇതോടെ ആന്ത്രോപ്പിക്കിന് കൈവന്നു. കഴിഞ്ഞ വർഷം ഏകദേശം 200 മില്യൺ ഡോളറിന്റെ കരാറിലാണ് കമ്പനി ഒപ്പുവെച്ചിരുന്നത്.

What you should read next

ഐഫോണ്‍ ചന്ദ്രനിലേക്ക്! ആര്‍ട്ടെമിസ് 2ല്‍ സ്മാര്‍ട്ട്‌ഫോണ്‍, നിയമം മാറ്റുന്നതിന്റെ പിന്നിലെ രഹസ്യം

കർശനമായ മാർഗ്ഗനിർദ്ദേശങ്ങൾ, പക്ഷേ

ആയുധ നിർമ്മാണത്തിനോ, അക്രമങ്ങൾ പ്രോത്സാഹിപ്പിക്കുന്നതിനോ, നിരീക്ഷണത്തിനോ തങ്ങളുടെ ‘ക്ലോഡ്’ (Claude) എന്ന എഐ ടൂൾ ഉപയോഗിക്കരുത് എന്ന കർശനമായ മാർഗ്ഗനിർദ്ദേശങ്ങൾ ആന്ത്രോപ്പിക് മുന്നോട്ടുവെച്ചിരുന്നു. എന്നാൽ ഈ നിബന്ധനകൾ നിലനിൽക്കെത്തന്നെയാണ് വെനസ്വേലയിലെ സൈനിക നടപടിയിൽ ഈ സാങ്കേതികവിദ്യ ഭാഗമായത് എന്നത് ശ്രദ്ധേയമാണ്. കമ്പനിയുടെ നയങ്ങളും പ്രായോഗികമായ സൈനിക ഉപയോഗവും തമ്മിലുള്ള വൈരുദ്ധ്യം ഇതോടെ വലിയ സംവാദങ്ങൾക്ക് കാരണമായിട്ടുണ്ട്.

ADVERTISEMENT

പ്രതിരോധ മേഖലയിലെ ഇത്തരം പങ്കാളിത്തങ്ങൾ എഐ കമ്പനികളെ സംബന്ധിച്ചിടത്തോളം വലിയൊരു നേട്ടമായാണ് വിലയിരുത്തപ്പെടുന്നത്. ആഗോളതലത്തിൽ വലിയ മത്സരമുള്ള എഐ വിപണിയിൽ സൈനിക അംഗീകാരം ലഭിക്കുന്നത് കമ്പനികളുടെ വിശ്വാസ്യത വർദ്ധിപ്പിക്കുകയും നിക്ഷേപകരെ ആകർഷിക്കാൻ സഹായിക്കുകയും ചെയ്യുന്നു. ഇത്തരം വൻകിട കരാറുകൾ കമ്പനികളുടെ വിപണി മൂല്യം (Valuation) ഉയർത്തുന്നതിനും വലിയ പങ്കുവഹിക്കുന്നുണ്ട്.

അതീവ രഹസ്യ സ്വഭാവമുള്ള നെറ്റ്‌വർക്കുകളിൽ ലഭ്യമാകുന്ന ഏക എഐ മോഡൽ

ADVERTISEMENT

യുദ്ധം ചെയ്യാൻ സഹായിക്കാത്ത എഐ മോഡലുകളുമായി പെന്റഗൺ സഹകരിക്കില്ലെന്ന് പ്രതിരോധ സെക്രട്ടറി പീറ്റ് ഹെഗ്‌സെത്ത് ജനുവരിയിൽ വ്യക്തമാക്കിയിരുന്നു. ആന്ത്രോപ്പിക്കുമായി ബന്ധപ്പെട്ട ചർച്ചകൾക്കിടെയാണ് അദ്ദേഹം ഇത്തരമൊരു നിലപാട് പരസ്യമാക്കിയത്. സൈനിക അഡ്മിനിസ്ട്രേഷനായി മാത്രം ഉപയോഗിച്ചിരുന്ന എഐ ടൂളുകളെ യുദ്ധഭൂമിയിലെ നേരിട്ടുള്ള തീരുമാനങ്ങൾക്കായി ഉപയോഗിക്കുന്നതിലേക്കുള്ള മാറ്റമാണ് ഹെഗ്‌സെത്തിന്റെ വാക്കുകൾ സൂചിപ്പിക്കുന്നത്.

ചന്ദ്രനിൽ തൊട്ടിറങ്ങിയ ആദ്യപേടകം…ലൂണ 9 ഇറങ്ങിയ സ്ഥലം കണ്ടെത്തിയെന്ന് ഗവേഷകർ

നിലവിൽ പല എഐ കമ്പനികളും അമേരിക്കൻ സൈന്യത്തിനായി പ്രത്യേക ടൂളുകൾ നിർമ്മിക്കുന്നുണ്ടെങ്കിലും അവയിൽ ഭൂരിഭാഗവും ഭരണപരമായ കാര്യങ്ങൾക്കായി പരിമിതപ്പെടുത്തിയിട്ടുള്ളവയാണ്. എന്നാൽ മൂന്നാം കക്ഷി ഏജൻസികൾ വഴി അതീവ രഹസ്യ സ്വഭാവമുള്ള നെറ്റ്‌വർക്കുകളിൽ ലഭ്യമാകുന്ന ഏക എഐ മോഡലായി ആന്ത്രോപ്പിക് മാറി. സർക്കാരും കമ്പനിയും തമ്മിലുള്ള നയപരമായ ഉടമ്പടികൾ നിലനിൽക്കുമ്പോഴും, ആധുനിക യുദ്ധമുറകളിൽ എഐയുടെ സ്വാധീനം വർദ്ധിച്ചുവരുന്നതിന്റെ തെളിവാണ് വെനസ്വേലൻ ഓപ്പറേഷൻ.

ADVERTISEMENT