By admin 
ഇന്ത്യയുടെ സാങ്കേതിക കുതിപ്പിന് ഇരട്ടി വേഗം നൽകി ടെക് ഭീമനായ മൈക്രോസോഫ്റ്റ് 17.5 ബില്യൺ ഡോളറിന്റെ (ഏകദേശം 1.4 ലക്ഷം കോടി രൂപ) വമ്പൻ നിക്ഷേപത്തിനൊരുങ്ങുന്നു. ഏഷ്യയിൽ മൈക്രോസോഫ്റ്റ് നടത്തുന്ന ഏറ്റവും വലിയ നിക്ഷേപങ്ങളിലൊന്നായിരിക്കും ഇത്. ആർട്ടിഫിഷ്യൽ ഇന്റലിജൻസ്, ക്ലൗഡ് കംപ്യൂട്ടിങ് എന്നീ മേഖലകളിൽ ഇന്ത്യയെ രാജ്യാന്തര ഹബ്ബാക്കി മാറ്റുക എന്ന ലക്ഷ്യത്തോടെയാണ് കമ്പനിയുടെ നീക്കം.
ജീവിതകാലം മുഴുവൻ ഒരേയൊരു പങ്കാളി, ദാമ്പത്യ വിശ്വസ്തതയിൽ മനുഷ്യന്റെ സ്ഥാനം എത്രാമത്? അമ്പരപ്പിക്കുന്ന കണക്കുകൾ
വെറുമൊരു വിപണി എന്നതിലുപരി, സാങ്കേതിക വിദ്യയുടെ ‘പവർ ഹൗസ്’ ആയി ഇന്ത്യ മാറുന്നതിന്റെ വ്യക്തമായ സൂചനയാണിത്. ഈ നിക്ഷേപം രാജ്യത്തെ തൊഴിൽ, സാമ്പത്തിക മേഖലകളിൽ സൃഷ്ടിക്കാൻ പോകുന്ന മാറ്റങ്ങൾ വലുതാണ്.
ഇന്ത്യയ്ക്ക് എന്ത് നേട്ടം?
എഐ സാങ്കേതികവിദ്യയുടെ പ്രവർത്തനത്തിന് വലിയ കംപ്യൂട്ടിങ് പവർ ആവശ്യമാണ്. മൈക്രോസോഫ്റ്റ് സ്ഥാപിക്കുന്ന പുതിയ ഡാറ്റാ സെന്ററുകൾ വരുന്നതോടെ ഇന്ത്യൻ സ്റ്റാർട്ടപ്പുകൾക്കും കമ്പനികൾക്കും വളരെ വേഗത്തിലും കുറഞ്ഞ ചെലവിലും എഐ സേവനങ്ങൾ ലഭ്യമാകും.
പദ്ധതികൾ നേരിട്ടും അല്ലാതെയും ലക്ഷക്കണക്കിന് തൊഴിലവസരങ്ങളാണ് സൃഷ്ടിക്കുക. ഡാറ്റാ സെന്റർ നിർമ്മാണം, പരിപാലനം, എഐ എൻജിനീയറിങ്, ക്ലൗഡ് കംപ്യൂട്ടിങ് തുടങ്ങിയ മേഖലകളിൽ വൻ തൊഴിൽ സാധ്യതകൾ തുറക്കപ്പെടും.
സാങ്കേതികവിദ്യ വളരുന്നതിനൊപ്പം അതിൽ നൈപുണ്യമുള്ളവരെയും ആവശ്യമുണ്ട്. ലക്ഷക്കണക്കിന് ഇന്ത്യക്കാർക്ക് എഐയിൽ പരിശീലനം നൽകുമെന്ന് മൈക്രോസോഫ്റ്റ് നേരത്തെ പ്രഖ്യാപിച്ചിരുന്നു. പുതിയ നിക്ഷേപം വിദ്യാഭ്യാസ-നൈപുണ്യ മേഖലയിൽ വലിയ മാറ്റങ്ങൾ കൊണ്ടുവരും.
ഇന്ത്യക്കാരുടെ വിവരങ്ങൾ രാജ്യത്തിനകത്തെ സെർവറിൽ തന്നെ സൂക്ഷിക്കണമെന്ന കേന്ദ്ര സർക്കാർ നയത്തിന് ഇത് വലിയ പിന്തുണയേകും. കൂടുതൽ ഡാറ്റാ സെന്ററുകൾ വരുന്നതോടെ വിദേശ സെർവറുകളെ ആശ്രയിക്കുന്നത് കുറയ്ക്കാനും ഡാറ്റാ സുരക്ഷ ഉറപ്പാക്കാനും സാധിക്കും.
2026-ഓടെ ഇന്ത്യയുടെ ജിഡിപിയിൽ ഡിജിറ്റൽ മേഖലയുടെ പങ്ക് വർധിപ്പിക്കാൻ ഈ നിക്ഷേപം സഹായിക്കും. ഇന്ത്യയുടെ ഡിജിറ്റൽ ഇക്കോണമിയുടെ വളർച്ചയ്ക്ക് ഇത് വലിയൊരു ഊർജ്ജമാകും.
സൂര്യഗ്രഹണവും ‘കൊറോണ’യും: പുരാതന ചൈനീസ് ലിഖിതത്തിൽ ‘ലോകത്തെ ആദ്യത്തെ രേഖ’
മൈക്രോസോഫ്റ്റിന്റെ ശക്തമായ സാന്നിധ്യം
ഇന്ത്യയിൽ ഇതിനോടകം തന്നെ ശക്തമായ സാന്നിധ്യമാണ് മൈക്രോസോഫ്റ്റിനുള്ളത്. പൂനെ, മുംബൈ, ചെന്നൈ എന്നിവിടങ്ങളിലായി മൂന്ന് വമ്പൻ ഡാറ്റാ സെന്റർ റീജിയണുകൾ കമ്പനിക്കുണ്ട്. ഇതിനു പുറമെ ഹൈദരാബാദിൽ പുതിയ ഡാറ്റാ സെന്ററിനായുള്ള പ്രവർത്തനങ്ങളും നടക്കുന്നു. അമേരിക്കയിലെ ആസ്ഥാനം കഴിഞ്ഞാൽ മൈക്രോസോഫ്റ്റിന്റെ ഏറ്റവും വലിയ ഗവേഷണ-വികസന കേന്ദ്രംസ്ഥിതി ചെയ്യുന്നത് ഹൈദരാബാദിലാണ്. ബെംഗളൂരു, നോയിഡ എന്നിവിടങ്ങളിലെ ക്യാംപസുകൾ കൂടി കണക്കിലെടുത്താൽ ഏകദേശം 20,000-ത്തിലധികം ജീവനക്കാരാണ് ഇന്ത്യയിൽ മൈക്രോസോഫ്റ്റിനായി ജോലി ചെയ്യുന്നത്.
ടെക് ഭീമന്മാർ ഇന്ത്യയെ ഉറ്റുനോക്കുന്നത് എന്തുകൊണ്ട്?
ആപ്പിളിന് പിന്നാലെ മൈക്രോസോഫ്റ്റും ഇന്ത്യയിൽ പിടിമുറുക്കുമ്പോൾ വ്യക്തമാകുന്നത് ‘ചൈന പ്ലസ് വൺ’ (China Plus One) എന്ന ആഗോള തന്ത്രത്തിന്റെ വിജയമാണ്. ആപ്പിൾ തങ്ങളുടെ ഐഫോൺ നിർമ്മാണത്തിന്റെ വലിയൊരു ഭാഗം ഇന്ത്യയിലേക്ക് മാറ്റിയപ്പോൾ, മൈക്രോസോഫ്റ്റ്, ഗൂഗിൾ, എൻവിഡിയതുടങ്ങിയ കമ്പനികൾ ഇന്ത്യയെ എഐയുടെയും സോഫ്റ്റ്വെയറിന്റെയും കേന്ദ്രമായാണ് കാണുന്നത്.
ഒരു മിനിറ്റ് പോലും വൈകാൻ പാടില്ല; അവസരങ്ങളുടെ പറുദീസയിൽ മികവ് തെളിയിക്കാം, വെല്ലുവിളികളെ അതിജീവിക്കാം
Europe News
ലോകത്തിലെ ഏറ്റവും വലിയ ജനസംഖ്യയും ഇന്റർനെറ്റ് ഉപഭോക്താക്കളുമുള്ള ഇന്ത്യ, ഉൽപ്പന്നങ്ങൾ വിറ്റഴിക്കാനുള്ള വലിയ വിപണി മാത്രമല്ല, മികച്ച എൻജിനിയറിങ് പ്രതിഭകളുള്ള കേന്ദ്രം കൂടിയാണ്. കേന്ദ്ര സർക്കാരിന്റെ പിഎൽഐ (PLI) സ്കീമുകളും ഡിജിറ്റൽ ഇന്ത്യ പദ്ധതികളും നൽകുന്ന പിന്തുണ കൂടിയാകുമ്പോൾ, ലോകത്തിന്റെ ‘ഇന്നവേഷൻ ഹബ്ബ്’ എന്ന നിലയിലേക്ക് ഇന്ത്യ അതിവേഗം മാറിക്കൊണ്ടിരിക്കുകയാണ്.