3എ ലൈറ്റ് ഉടനെത്തും, ഏറ്റവും വിലക്കുറവിൽ നത്തിങ് ഫോൺ വാങ്ങാം; ഒപ്പം ആൻഡ്രോയിഡ് 16 അപ്‌ഡേറ്റും

ബ്രിട്ടീഷ് കൺസ്യൂമർ ഇലക്ട്രോണിക്സ് ബ്രാൻഡായ നത്തിങ്, തങ്ങളുടെ ഏറ്റവും പുതിയ സ്മാർട്ട്ഫോണായ ‘നത്തിങ് ഫോൺ 3എ ലൈറ്റ്’ ഇന്ത്യയിൽ അവതരിപ്പിക്കാൻ ഒരുങ്ങുന്നു. നവംബർ 27-നാണ് ഫോൺ ഔദ്യോഗികമായി ഇന്ത്യൻ വിപണിയിലെത്തുക. നത്തിങ് ഫോൺ 3എ സീരീസിലെ തന്നെ കുറഞ്ഞ വിലയിലുള്ള, ബജറ്റിനിണങ്ങുന്ന പതിപ്പായാണ് ഈ മോഡൽ അവതരിപ്പിക്കുന്നത്. ആഗോള വിപണിയിൽ അവതരിപ്പിച്ച് ഒരു മാസത്തിനുള്ളിൽ തന്നെ ഫോൺ ഇന്ത്യയിലും എത്തുന്നുവെന്നത് ശ്രദ്ധേയമാണ്.

തദ്ദേശ തിരഞ്ഞെടുപ്പ്: അന്തിമ ചിത്രത്തിനായി കാത്തിരിപ്പ്

പുതിയ ഫോണിന്റെ വരവിനൊപ്പം സോഫ്റ്റ്‌വെയർ രംഗത്തും വലിയ മാറ്റങ്ങളാണ് കമ്പനി കൊണ്ടുവരുന്നത്. ആൻഡ്രോയിഡ് 16 അടിസ്ഥാനമാക്കിയുള്ള നത്തിങ് ഒഎസ് 4.0 (NothingOS 4.0) അപ്‌ഡേറ്റ് തങ്ങളുടെ ഫ്ലാഗ്ഷിപ്പ് മോഡലായ നത്തിങ് ഫോൺ 3ൽ കമ്പനി ഇതിനോടകം ലഭ്യമാക്കി തുടങ്ങി. നത്തിങ് ഫോൺ 3എ, 3എ പ്രോ എന്നിവർക്കും വൈകാതെ ഈ അപ്‌ഡേറ്റ് ലഭിക്കും. ഇന്ത്യയിൽ എത്തുന്ന 3എ ലൈറ്റിൽ നത്തിങ് ഒഎസ് 4.0 തുടക്കം മുതലേ ലഭ്യമായേക്കുമെന്നും സൂചനയുണ്ട്.

എന്താണ് വ്യത്യാസം?

തിരഞ്ഞെടുത്ത ഓഫ്‌ലൈൻ സ്റ്റോറുകൾ വഴിയും ഫോൺ വിൽപ്പനയ്‌ക്കെത്തും. ബ്ലാക്ക്, വൈറ്റ് നിറങ്ങളിലാകും ഫോൺ ലഭ്യമാവുക. യൂറോപ്പിൽ ഏകദേശം 25,600 രൂപയാണ് (249 യൂറോ) പ്രാരംഭ വില. ഇന്ത്യയിൽ ഇതിന്റെ വില പ്രഖ്യാപിച്ചിട്ടില്ല. നത്തിങ്ങിന്റെ സിഗ്നേച്ചർ ഡിസൈനായ സുതാര്യമായ പിൻവശവും ഗ്ലിഫ് എൽഇഡി ഇന്റർഫേസുമാണ് (Glyph LED interface) ഫോണിനെ വിപണിയിൽ വേറിട്ടു നിർത്തുന്നത്.

മികച്ച ദൃശ്യാനുഭവം ഉറപ്പാക്കാനായി 6.77 ഇഞ്ച് എഫ്എച്ച്ഡി+ ഫ്ലെക്സിബിൾ അമോലെഡ് (AMOLED) ഡിസ്‌പ്ലേയാണ് ഫോണിന് നൽകിയിരിക്കുന്നത്. 3,000 നിറ്റ്സ് പീക്ക് ബ്രൈറ്റ്‌നസ് ഉള്ളതിനാൽ വെളിച്ചമുള്ള സാഹചര്യങ്ങളിലും വ്യക്തതയോടെ സ്‌ക്രീൻ കാണാനാകും. ബെസലുകൾ (Bezels) പരമാവധി കുറച്ചുള്ള ഡിസ്‌പ്ലേ ഡിസൈൻ ഗെയിമിങ്ങിനും സോഷ്യൽ മീഡിയ ഉപയോഗത്തിനും വീഡിയോകൾ കാണുന്നതിനും പ്രീമിയം അനുഭവം നൽകും.

Trending Products

മൈക്രോ എസ്ഡി കാർഡ് സ്ലോട്ട് സൗകര്യവും

പ്രകടനത്തിന്റെ കാര്യത്തിൽ ഒട്ടും വിട്ടുവീഴ്ചയില്ലാതെയാണ് 3എ ലൈറ്റ് എത്തുന്നത്. 4nm ഫാബ്രിക്കേഷൻ പ്രോസസ്സിൽ നിർമ്മിച്ച മീഡിയടെക് ഡൈമെൻസിറ്റി 7300 പ്രോ (MediaTek Dimensity 7300 Pro) ചിപ്‌സെറ്റാണ് ഫോണിന് കരുത്തുപകരുന്നത്. 8 ജിബി റാമും 256 ജിബി വരെ സ്റ്റോറേജും ഇതിനുണ്ട്. കൂടാതെ, ഈ സെഗ്‌മെന്റിൽ അപൂർവ്വമായ മൈക്രോ എസ്ഡി കാർഡ് സ്ലോട്ട് സൗകര്യവും ഫോണിലുണ്ട്; ഇതുവഴി 2 ടിബി വരെ സ്റ്റോറേജ് വർദ്ധിപ്പിക്കാൻ സാധിക്കും.

ക്യാമറ വിഭാഗത്തിലും മികച്ച സവിശേഷതകളാണ് നത്തിങ് ഒരുക്കിയിരിക്കുന്നത്. 50 എംപി മെയിൻ ഷൂട്ടർ ഉൾപ്പെടുന്ന ട്രിപ്പിൾ റിയർ ക്യാമറ സംവിധാനമാണ് നത്തിങ് ഫോൺ 3എ ലൈറ്റിലുള്ളത്. നോട്ടിഫിക്കേഷനുകൾക്കും ചാർജിങ് ഇൻഡിക്കേറ്ററുകൾക്കുമായി ഉപയോഗിക്കാവുന്ന കസ്റ്റമൈസ് ചെയ്യാവുന്ന ഗ്ലിഫ് ലൈറ്റ് ഇന്റർഫേസും ഫോണിന്റെ പ്രധാന ആകർഷണമായി തുടരുന്നു.