പ്രവചിക്കാനാകാത്ത സഞ്ചാരപഥം, നിലവിലെ ഏത് പ്രതിരോധവും മറികടക്കും; അമേരിക്ക ഭയക്കുന്ന റഷ്യയുടെ ബ്യൂറെവെസ്റ്റ്നിക്

ആണവശക്തിയുടെ കാര്യത്തിൽ ലോകത്ത് വീണ്ടും ശ്രദ്ധാകേന്ദ്രമായിരിക്കുകയാണ് റഷ്യ. ആണവോർജ്ജം ഉപയോഗിച്ച് പ്രവർത്തിക്കുന്ന, ആണവ ശേഷിയുള്ള ബ്യൂറെവെസ്റ്റ്നിക് ക്രൂയിസ് മിസൈൽ വിജയകരമായി പരീക്ഷിച്ചതായി പ്രസിഡന്റ് പുട്ടിൻ അടുത്തിടെ പ്രഖ്യാപിച്ചു. ഏത് പ്രതിരോധ സംവിധാനങ്ങളെയും മറികടക്കാൻ കഴിവുള്ള ഈ മിസൈൽ ഇപ്പോൾ വിന്യസിക്കാനുള്ള നടപടികളിലേക്ക് രാജ്യം കടക്കുമെന്നും പുട്ടിൻ അറിയിച്ചു.

ടെക് ലോകത്തെ ഞെട്ടിച്ച് ഗൂഗിളിന്റെ ‘വില്ലോ’ ചിപ്: ക്വാണ്ടം കംപ്യൂട്ടിങിൽ ചരിത്രനേട്ടം! സുന്ദർ പിച്ചൈയുടെ പ്രഖ്യാപനം

പറക്കുന്ന ആണവനിലയം

9M730 ബ്യൂറെവെസ്റ്റ്നിക് (Burevestnik) അല്ലെങ്കിൽ സ്റ്റോം പെട്രൽ (Storm Petrel) എന്ന് റഷ്യ വിളിക്കുന്ന ഈ മിസൈലിനെ നാറ്റോ എസ്എസ്‌സി-എക്സ്-9 സ്കൈഫോൾ (SSC-X-9 Skyfall) എന്നാണ് നാമകരണം ചെയ്തിരിക്കുന്നത്. ആണവ റിയാക്ടറിൽ നിന്നുള്ള ഊർജ്ജം ഉപയോഗിച്ച് പ്രവർത്തിക്കുന്നതിനാൽ ഈ മിസൈലിന് പരിധിയില്ലാത്ത ദൂരം പറക്കാൻ കഴിയുമെന്നാണ് റഷ്യയുടെ അവകാശവാദം.

ഇതിന്റെ സഞ്ചാരപഥം പ്രവചിക്കാൻ കഴിയാത്തതും ഏത് ദിശയിലേക്കും പറക്കാൻ സാധിക്കുന്നതുമാണത്രെ. നിലവിലുള്ളതും ഭാവിയിലുള്ളതുമായ മിസൈൽ പ്രതിരോധങ്ങളെ മറികടക്കും എന്നും റഷ്യ പറയുന്നു. ഒക്ടോബർ 21-ന് നടന്ന പരീക്ഷണത്തിൽ മിസൈൽ ഏകദേശം 14,000 കിലോമീറ്റർ ദൂരം സഞ്ചരിക്കുകയും 15 മണിക്കൂറോളം അന്തരീക്ഷത്തിൽ തുടരുകയും ചെയ്തതായി റഷ്യൻ സായുധ സേനയുടെ ജനറൽ സ്റ്റാഫ് മേധാവി പുട്ടിനെ അറിയിച്ചു.

കേളി മലാസ് ഏരിയ നോർക്ക റജിസ്ട്രേഷൻ ക്യാംപ് സംഘടിപ്പിച്ചു

യുക്രെയ്ൻ യുദ്ധത്തിന്റെ പേരിൽ പാശ്ചാത്യ രാജ്യങ്ങളുടെ സമ്മർദ്ദത്തിന് റഷ്യ ഒരിക്കലും വഴങ്ങില്ല എന്ന വ്യക്തമായ സിഗ്നലായിട്ടാണ് വിലയിരുത്തപ്പെടുന്നത്. കൂടാതെ, യുഎസ് പ്രസിഡന്റ് ട്രംപ് റഷ്യക്കെതിരെ നിലപാട് സ്വീകരിക്കുന്നതിനോടുള്ള ഒരു മറുപടി കൂടിയാണ് ഈ പ്രഖ്യാപനം.

റഷ്യൻ പ്രസിഡന്റ് വ്ലാഡിമിർ പുട്ടിനും യുഎസ് പ്രസിഡന്റ് ഡോണൾഡ് ട്രംപും. (Photo by SAUL LOEB / AFP)

2001-ൽ യുഎസ് 1972-ലെ ആൻ്റി-ബാലിസ്റ്റിക് മിസൈൽ ഉടമ്പടിയിൽ നിന്ന് പിന്മാറിയതിന് ശേഷമുള്ള അമേരിക്കൻ മിസൈൽ പ്രതിരോധ പരിപാടികൾക്കും നാറ്റോയുടെ വികാസത്തിനും റഷ്യയുടെ മറുപടിയായാണ് 2018ൽ ആദ്യമായി അവതരിപ്പിച്ച ഈ മിസൈലിനെ പുട്ടിൻ വിശേഷിപ്പിച്ചത്.

പുതിയ ശക്തിമരുന്ന്, ഇനി ഒരു റോഡിലും വാഹനങ്ങൾ താഴില്ല; ദീർഘകാലം ഈടുനിൽക്കും

കണക്കുകൾ പ്രകാരം, ലോകത്ത് ഏറ്റവും കൂടുതൽ ആണവ വാർഹെഡുകളുള്ള രാജ്യങ്ങളിലൊന്നാണ് റഷ്യ. റഷ്യക്ക് ഏകദേശം 5,459 ആണവ യുദ്ധമുനകൾ ഉള്ളപ്പോൾ അമേരിക്കക്ക് 5,177 ആണവ പോർമുനകളാണുള്ളത് (കണക്കുകൾ വ്യത്യാസപ്പെടാം).