‘മുൻ സാമ്പത്തിക വർഷത്തേക്കാൾ 18% വർധനവ്’: ഇന്ത്യയുടെ പ്രതിരോധ ഉൽപാദനം ശക്തിപ്പെടുന്നെന്ന് പ്രതിരോധ മന്ത്രി

ന്യൂഡൽഹി∙ 2024–2025 സാമ്പത്തിക വർഷത്തിൽ ഇന്ത്യയുടെ വാർഷിക പ്രതിരോധ ഉൽപാദനം 1.5 ലക്ഷം കോടി രൂപയിലധികമെന്ന് പ്രതിരോധ മന്ത്രി രാജ്നാഥ് സിങ്. രാജ്യത്തെ പ്രതിരോധ വ്യവസായിക മേഖല ശക്തിപ്പെടുന്നതിന്റെ സൂചനാണ് ഈ വളർച്ചയെന്ന് അദ്ദേഹം പറഞ്ഞു.

ഇന്ത്യ–ഒമാൻ വ്യാപാര കരാർ: രേഖകൾ അറബിക് ഭാഷയിലേക്കു പരിഭാഷപ്പെടുത്തുന്നു; പ്രഖ്യാപനം ഉടൻ

‘‘മുൻ സാമ്പത്തിക വർഷത്തെ 1.2 ലക്ഷം കോടി രൂപയേക്കാൾ 18% വർധനവാണ് ഈ വർഷം. ശക്തമായ വളർച്ചയെയാണ് ഇതു സൂചിപ്പിക്കുന്നത്. 2019–20 സാമ്പത്തിക വർഷത്തിൽ ഉൽപാദനം 79,071 കോടി രൂപയായിരുന്നു. അതിൽനിന്ന് 90% ശതമാനം വർധനവാണ് ഇത്തവണ ഉണ്ടായിരിക്കുന്നത്.’’–അദ്ദേഹം പറഞ്ഞു.

പ്രതിരോധ മന്ത്രാലയത്തിന്റെയും പ്രതിരോധ പൊതുമേഖലാ സ്ഥാപനത്തിന്റെയും സ്വകാര്യ വ്യവസായങ്ങളുടെയും മറ്റു പൊതുമേഖല നിർമാതാക്കളുടെയും പങ്കാളിത്തം കൊണ്ടാണ് പ്രതിരോധ ഉൽപാദനം വർധിക്കാൻ ഇടയായത്. 2024 –25 സാമ്പത്തിക വർഷത്തിൽ പ്രതിരോധ കയറ്റുമതിയും 23,622 കോടി രൂപയിലേക്കെത്തി.