ലോകത്തെ മാറ്റുന്നവർക്ക് യുഎഇ കൂട്ട്: മസ്കുമായി കൂടിക്കാഴ്ച നടത്തി ഷെയ്ഖ് ഹംദാൻ; ദുബായുടെ ആകാശത്തും മണ്ണിലും ഇനി ‘മസ്ക് വിപ്ലവം’?

ദുബായ് ∙ ടെസ്‌ല ഉടമ ഇലോൺ മസ്ക്കുമായി കൂടിക്കാഴ്ച നടത്തി ദുബായ് കിരീടാവകാശിയും യുഎഇ പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് അൽ മക്തും. ബഹിരാകാശ ഗവേഷണം, സാങ്കേതിക വിദ്യാ വികസനം, നിർമിത ബുദ്ധി അധിഷ്ഠിത സാങ്കേതിക വിദ്യകൾ ഉൾപ്പെടെയുള്ള മേഖലയിൽ ഇരുവരും വിശദമായ ചർച്ച നടത്തി.

ദുബായിൽ 125 നില കെട്ടിടത്തിന് മുകളിൽ ഭീമൻ വിമാനം!; 300 കോടി ഡോളറിന്റെ ‘എയർ ഹോട്ടലിന്റെ’ പിന്നിലെ ‘ചതി’ വെളിപ്പെടുത്തി എമിറേറ്റ്സ്

ആശങ്കയിൽ പ്രവാസികൾ: കൈവിട്ട് കൊള്ളനിരക്ക്, നാട്ടിൽ പോയി വരാൻ ചെലവ് 3 ലക്ഷം രൂപവരെ; അവധി യാത്ര പ്രതിസന്ധിയില്‍

ആഗോള സാമ്പത്തിക നേതാക്കളുമായി സഹകരിച്ചു പ്രവർത്തിക്കുന്നതു വികസനത്തിലേക്കുള്ള ഗതിവേഗം വർധിപ്പിക്കുമെന്നും ലോകത്തു മാറ്റങ്ങൾ സൃഷ്ടിക്കുന്നവർക്കു യുഎഇ എന്നും പിന്തുണ നൽകുമെന്നും ഷെയ്ഖ് ഹംദാൻ പറഞ്ഞു.

പൊതു സ്വകാര്യ മേഖലകളുടെ സഹകരണമാണു പുരോഗതിക്കു ഗതിവേഗം വർധിപ്പിക്കുന്നതെന്നും അദ്ദേഹം പറഞ്ഞു.

ഡിജിറ്റൽ സാമ്പത്തിക വ്യവസ്ഥയുടെ ആഗോള തലസ്ഥാനമായി ദുബായിയെ മാറ്റിയെടുക്കാനുള്ള പരിശ്രമത്തിലാണ്. ഇതിനായി ഭാവിയെ കരുതിയുള്ള സുസ്ഥിര പദ്ധതികളാണു നടപ്പാക്കുന്നത്. ഈ വികസന പദ്ധതികളുടെ കേന്ദ്ര ബിന്ദു മനുഷ്യരാണ്.

ദുബായ് കിരീടാവകാശിയും യുഎഇ പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് അൽ മക്തും ഇലോൺ മസ്ക്കുമായി കൂടിക്കാഴ്ച നടത്തിയപ്പോൾ. Image Credit: Instagram/faz3

മനുഷ്യ കേന്ദ്രീകൃതമാണ് എല്ലാ വികസന ലക്ഷ്യങ്ങളും. വരാൻ പോകുന്ന തലമുറയ്ക്ക് അവസരങ്ങൾ ഉറപ്പാക്കാനുള്ള അടിസ്ഥാനമാണു യുഎഇ സ്ഥാപിക്കുന്നതെന്നും അദ്ദേഹം പറഞ്ഞു. സാങ്കേതിക വിദ്യകളെക്കുറിച്ചും മാനുഷിക മൂല്യങ്ങളെക്കുറിച്ചും ഇലോൺ മസ്ക്കുമായി ചർച്ച ചെയ്തുവെന്നും വരാൻ പോകുന്ന കാലം കരുതിവച്ചിരിക്കുന്നതിനെക്കുറിച്ചു ശുഭ പ്രതീക്ഷയാണുള്ളതെന്നും ഷെയ്ഖ് ഹംദാൻ പറഞ്ഞു.

(Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രം മലയാള മനോരമയുടേതല്ല. ഇത് faz3 എന്ന ഇൻസ്റ്റഗ്രാം അക്കൗണ്ടിൽ നിന്ന്)