By admin 
ആമസോൺ ഇന്ത്യ വഴി മെറ്റയുടെ റേ-ബാൻ സ്മാർട്ട് ഗ്ലാസുകൾ നവംബർ 21 മുതൽ ഉപഭോക്താക്കൾക്ക് ലഭ്യമാകും. ഇന്ത്യയിൽ അതിവേഗം വളരുന്ന പ്രീമിയം വെയറബിൾ വിപണിയിലെ സുപ്രധാനമായ വിപുലീകരണമായാണ് ഇതിനെ കാണുന്നത്. 2025-ലെ ആമസോൺ ഗ്രേറ്റ് ഇന്ത്യൻ ഫെസ്റ്റിവലിൽ ഈ വിഭാഗത്തിൽ 40 ശതമാനത്തോളം വളർച്ച രേഖപ്പെടുത്തിയിരുന്നു. സ്മാർട്ട് ഗ്ലാസുകൾക്കായുള്ള തിരച്ചിൽ പ്ലാറ്റ്ഫോമിൽ മുൻവർഷത്തെ അപേക്ഷിച്ച് 4.6 മടങ്ങ് വർധിച്ചതായും കമ്പനി വ്യക്തമാക്കുന്നു.
ഛിന്നഗ്രഹം ചന്ദ്രനില് ഇടിക്കും, ചാന്ദ്ര ധൂളി ഭൂമിയില് പതിക്കും! പ്രതിവിധി ആണവായുധം, ആ പേടിസ്വപ്നം യാഥാർഥ്യമാകുമോ?
20-ലധികം പ്രധാന നഗരങ്ങളിൽ ‘സേം-ഡേ ഡെലിവറി’ (ഓർഡർ ചെയ്യുന്ന ദിവസം തന്നെ ലഭിക്കുന്ന സൗകര്യം) ആമസോൺ ഒരുക്കുന്നുണ്ട്. ഉപഭോക്താക്കൾക്കായി നോ-കോസ്റ്റ് ഇഎംഐ ഓപ്ഷനുകളും എക്സ്ക്ലൂസീവ് ലോഞ്ച് ഓഫറുകളും ലഭ്യമാണ്. മെട്രോ നഗരങ്ങൾക്ക് പുറമെ ടയർ-2, ടയർ-3 നഗരങ്ങളിൽ നിന്നുള്ള സാങ്കേതിക പ്രേമികളും ഈ ഉൽപ്പന്നത്തിൽ വലിയ താൽപ്പര്യം പ്രകടിപ്പിക്കുന്നുണ്ട്.
കേവലം ഫിറ്റ്നസ് ട്രാക്കിംഗിന് അപ്പുറം, ദൈനംദിന ജീവിതത്തിലേക്ക് എഐ (AI) സാങ്കേതികവിദ്യ കൊണ്ടുവരുന്ന ഉപകരണങ്ങളോട് ഉപഭോക്താക്കൾക്ക് താൽപ്പര്യം ഏറിവരികയാണെന്ന് ആമസോൺ ഇന്ത്യ കൺസ്യൂമർ ഇലക്ട്രോണിക്സ് ഡയറക്ടർ സീബ ഖാൻ പറഞ്ഞു. സാധാരണ ഫിറ്റ്നസ് ട്രാക്കറുകളിൽ നിന്ന് ലൈഫ്സ്റ്റൈൽ അധിഷ്ഠിത സാങ്കേതികവിദ്യയിലേക്കുള്ള മാറ്റമാണ് ഇത് സൂചിപ്പിക്കുന്നത്.
ആവണക്കിൻ കുരുവിലെ മഹാവിഷം,ഹൈപ്രൊഫൈൽ കൊലപാതകങ്ങളിൽ പ്രതിസ്ഥാനത്ത്… എന്താണ് നിശ്ശബ്ദ കൊലയാളി റൈസിൻ?
12 എംപി അൾട്രാ വൈഡ് ക്യാമറ, അഞ്ച് മൈക്രോഫോണുകൾ, ഓപ്പൺ-ഇയർ സ്പേഷ്യൽ ഓഡിയോ സ്പീക്കറുകൾ എന്നിവയാണ് മെറ്റ റേ-ബാൻ ഗ്ലാസുകളുടെ പ്രധാന സവിശേഷതകൾ. മെറ്റ എഐ (Meta AI) സംയോജിപ്പിച്ചിരിക്കുന്നതിനാൽ കൈകളുടെ സഹായമില്ലാതെ തന്നെ ഫോട്ടോകൾ എടുക്കാനും, ഫോൺ കോളുകൾ ചെയ്യാനും, റിമൈൻഡറുകൾ സെറ്റ് ചെയ്യാനും സാധിക്കും.