ജിയോയുടെ ന്യൂ ഇയർ പ്ലാനുകൾ: 35,100 രൂപയുടെ ഗൂഗിൾ ജെമിനി പ്രോ, ഒടിടി ആപ്പുകളും സൗജന്യം!

റിലയൻസ് ജിയോയുടെ പുതിയ ‘ഹാപ്പി ന്യൂ ഇയർ 2026’ പ്ലാനുകൾ പ്രഖ്യാപിച്ചു. അൺലിമിറ്റഡ് 5ജി ഡാറ്റയ്ക്കും ഒടിടി ആനുകൂല്യങ്ങൾക്കും പുറമെ, ഗൂഗിളിന്റെ ഏറ്റവും പുതിയ എഐസേവനമായ ‘ജെമിനി പ്രോ’ സൗജന്യമായി നൽകുന്നു എന്നതാണ് ഇത്തവണത്തെ ഏറ്റവും വലിയ പ്രത്യേകത.

പുതിയ വർഷത്തെ വരവേൽക്കാൻ മൂന്ന് പ്രധാന പ്ലാനുകളാണ് ജിയോ അവതരിപ്പിച്ചിരിക്കുന്നത്. പ്ലാനുകളുടെ വിശദാംശങ്ങൾ താഴെ:

എം.എ. യൂസഫലിക്ക് ഓഹരി പങ്കാളിത്തമുള്ള ബാങ്ക് വൻ ബിസിനസ് വിപുലീകരണത്തിന്; ആഫ്രിക്കയിലേക്കും കടക്കും

Business News

1. ഹീറോ ആന്വൽ റീചാർജ് (Hero Annual Recharge) – 3599 രൂപ

ഒരു വർഷത്തേക്ക് റീചാർജ് ചെയ്യുന്നവർക്കായി ജിയോ അവതരിപ്പിച്ചിരിക്കുന്ന ഏറ്റവും മികച്ച പ്ലാനാണിത്.

കാലാവധി: 365 ദിവസം

ഡാറ്റ: പ്രതിദിനം 2.5 ജിബി ഡാറ്റ (അർഹരായവർക്ക് അൺലിമിറ്റഡ് 5ജി സേവനം ലഭ്യമാണ്).

കോൾ/എസ്എംഎസ്: അൺലിമിറ്റഡ് വോയ്‌സ് കോളുകൾ, പ്രതിദിനം 100 എസ്എംഎസ്.

പ്രത്യേക ഓഫർ: ഈ പ്ലാൻ തിരഞ്ഞെടുക്കുന്നവർക്ക് 35,100 രൂപ മൂല്യമുള്ള ഗൂഗിൾ ജെമിനി (Google Gemini) 18 മാസത്തെ പ്രോ പ്ലാൻ തികച്ചും സൗജന്യമായി ലഭിക്കും.

2. സൂപ്പർ സെലിബ്രേഷൻ മന്ത്‌ലി പ്ലാൻ (Super Celebration Monthly Plan) – 500 രൂപ

കുറഞ്ഞ നിരക്കിൽ കൂടുതൽ ഒടിടി ആനുകൂല്യങ്ങൾ ആഗ്രഹിക്കുന്നവർക്കായാണ് ഈ പ്ലാൻ.

കാലാവധി: 28 ദിവസം

ഡാറ്റ: പ്രതിദിനം 2 ജിബി ഡാറ്റ (അൺലിമിറ്റഡ് 5ജി ഉൾപ്പെടെ).

എന്റർടൈൻമെന്റ്: പ്രതിമാസം 500 രൂപ വിലമതിക്കുന്ന ഒടിടി ആപ്പുകൾ സൗജന്യം. യൂട്യൂബ് പ്രീമിയം (YouTube Premium), ജിയോ ഹോട്ട്‌സ്റ്റാർ (JioHotstar), ആമസോൺ പ്രൈം വീഡിയോ മൊബൈൽ എഡിഷൻ, സോണി ലിവ്, സീ5, ലയൺസ്ഗേറ്റ് പ്ലേ, ഡിസ്കവറി+, സൺ നെക്സ്റ്റ്, കാഞ്ച ലങ്ക, പ്ലാനറ്റ് മറാത്തി, ചൗപാൽ, ഫാൻകോഡ്, ഹൊയ്‌ചോയ് എന്നിവ ഇതിൽ ഉൾപ്പെടുന്നു.

പ്രത്യേക ഓഫർ: ഈ പ്ലാനിലും 18 മാസത്തെ ഗൂഗിൾ ജെമിനി പ്രോ പ്ലാൻ സൗജന്യമായി ലഭിക്കും എന്നത് ശ്രദ്ധേയമാണ്.

3. ഫ്ലെക്സി പാക്ക് (Flexi Pack) – 103 രൂപ

കൂടുതൽ ഡാറ്റയും വിനോദവും ആഗ്രഹിക്കുന്നവർക്കായി ഒരു ചെറിയ പ്ലാൻ.

ഡാറ്റ: 5 ജിബി (മൊത്തം ഡാറ്റ).

കാലാവധി: 28 ദിവസം.

എം.എ. യൂസഫലിക്ക് ഓഹരി പങ്കാളിത്തമുള്ള ബാങ്ക് വൻ ബിസിനസ് വിപുലീകരണത്തിന്; ആഫ്രിക്കയിലേക്കും കടക്കും

Business News

എന്റർടൈൻമെന്റ് പാക്കുകൾ: താഴെ പറയുന്നവയിൽ നിന്ന് ഇഷ്ടമുള്ള ഒരു പാക്ക് ഉപഭോക്താവിന് തിരഞ്ഞെടുക്കാം:

ഹിന്ദി പാക്ക്: ജിയോ ഹോട്ട്‌സ്റ്റാർ, സീ5, സോണി ലിവ്.

ഇന്റർനാഷണൽ പാക്ക്: ജിയോ ഹോട്ട്‌സ്റ്റാർ, ഫാൻകോഡ്, ലയൺസ്ഗേറ്റ്, ഡിസ്കവറി+.

റീജിയണൽ പാക്ക്: ജിയോ ഹോട്ട്‌സ്റ്റാർ, സൺ നെക്സ്റ്റ്, കാഞ്ച ലങ്ക, ഹൊയ്‌ചോയ്.

ഗൂഗിളുമായുള്ള സഹകരണത്തിലൂടെ എഐ സേവനങ്ങൾ സാധാരണക്കാരിലേക്ക് എത്തിക്കാനാണ് ജിയോ ഈ പ്ലാനുകളിലൂടെ ലക്ഷ്യമിടുന്നത്. മൈ ജിയോ ആപ്പ് വഴിയോ ജിയോ വെബ്സൈറ്റ് വഴിയോ ഉപഭോക്താക്കൾക്ക് ഈ പ്ലാനുകൾ റീചാർജ് ചെയ്യാവുന്നതാണ്.