ഇസ്രയേലിന്റെ സുരക്ഷാ കവചം തകർക്കുമോ? ഇറാന്റെ ‘ബങ്കർ ബസ്റ്റർ’ മിസൈലുകളിൽ ആശങ്കയിൽ യുഎസും!

ഒരു ആക്രമണം ഉണ്ടായാൽ ജനങ്ങൾക്ക് സുരക്ഷിതമായി കൂട്ടത്തോടെ ഒളിക്കാൻ കഴിയുമെന്ന ഉറപ്പിലാണ് ഇസ്രയേൽ ഇപ്പോഴും ഉറച്ചുനിൽക്കുന്നത്. എന്നാൽ ഇറാന് ആ ഉറപ്പ് ഭേദിക്കാൻ കഴിഞ്ഞാൽ, ഇസ്രയേൽ തങ്ങളുടെ സൈനിക തന്ത്രത്തെക്കുറിച്ച് വേഗത്തിൽ പുനർവിചിന്തനം നടത്താനും കൂടുതൽ പ്രതിരോധ നടപടികൾ സ്വീകരിക്കാനും നിർബന്ധിതരാകും, കാരണം ഈ സാഹചര്യം നിലനിൽപ്പിന് തന്നെ വെല്ലുവിളി ഉയർത്തും.

ഇസ്രയേലിന്റെ സുരക്ഷാ ബങ്കറുകളെ തകർക്കാൻ ശേഷിയുള്ള ഇറാന്റെ പുതിയ മിസൈലുകൾ പശ്ചിമേഷ്യയിലെ യുദ്ധനിയമങ്ങൾ മാറ്റിയെഴുതുന്നു. 2025 ജൂണിലെ യുദ്ധത്തിനും അമേരിക്കൻ ബോംബിങിനും ശേഷം വീണ്ടുമൊരു ഏറ്റുമുട്ടലിന്റെ വക്കിലാണോ ഇരുരാജ്യങ്ങളും?.

പഴയ ‘ഓട്ടു പാത്രം’ തേടി നടക്കുന്ന നാസ! വിഗ്രഹമോഷണക്കേസിലെ ഇറിഡിയം എന്ന ‘പ്രതിയുടെ’ യാഥാർഥ്യം അറിയാം

‘സെവ അദോം’ (ചുവപ്പ് നിറം) എന്ന അപായ സൈറൺ മുഴങ്ങിയാൽ ഇസ്രയേലികൾക്ക് ജീവൻ രക്ഷിക്കാൻ ലഭിക്കുന്നത് വെറും 90 സെക്കൻഡുകളാണ്. ആ 90 സെക്കൻഡിനുള്ളിൽ അവർ ഓടിക്കയറുന്നത് അതീവ സുരക്ഷിതമായ കോൺക്രീറ്റ് ബങ്കറുകളിലേക്കാണ്.

ഇസ്രയേലിന്റെ ബങ്കറുകളെ തകർക്കാൻ ശേഷിയുള്ള ‘ബങ്കർ ബസ്റ്റർ’ ബാലിസ്റ്റിക് മിസൈലുകൾ ഇറാൻ വികസിപ്പിക്കുന്നുവെന്ന റിപ്പോർട്ടുകളാണ് മേഖലയെ വീണ്ടും ഭയചകിതമാക്കുന്നത്. ഇക്കഴിഞ്ഞ ജൂണിൽ നടന്ന 12 ദിവസത്തെ യുദ്ധത്തിനും അമേരിക്കൻ ഇടപെടലുകൾക്കും ശേഷം വീണ്ടും സംഘർഷത്തിന്റെ കാർമേഘങ്ങൾ ഉരുണ്ടുകൂടുകയാണ്.

ലക്ഷം തൊട്ട് ആളുകളെ ഭ്രമിപ്പിച്ച സ്വർണലോഹം! കൃത്രിമമായി സൃഷ്ടിക്കാൻ ശ്രമിച്ച് ഒരു കൂട്ടം ആളുകൾ, ഫലം ഇങ്ങനെ

ഭൂമിക്കടിയിലെ സുരക്ഷയും ഇസ്രയേലിന്റെ തന്ത്രവും

ഇസ്രയേലിന്റെ സൈനിക മേധാവിത്വത്തിന്റെ നട്ടെല്ല് അവരുടെ ആക്രമണശേഷി മാത്രമല്ല, മറിച്ച് സ്വന്തം ജനതയ്ക്ക് അവർ നൽകുന്ന സുരക്ഷ കൂടിയാണ്. ശത്രുരാജ്യങ്ങൾ മിസൈൽ മഴ പെയ്യിക്കുമ്പോഴും സ്വന്തം പൗരന്മാരെ ഭൂമിക്കടിയിലെ ബങ്കറുകളിൽ സുരക്ഷിതരാക്കാൻ ഇസ്രയേലിന് കഴിയുന്നു. ജനങ്ങൾ സുരക്ഷിതരാണെന്ന ഈ ആത്മവിശ്വാസമാണ് ലെബനനിലും സിറിയയിലുമെല്ലാം കടുപ്പമേറിയ ആക്രമണങ്ങൾ നടത്താൻ ഇസ്രയേലിന് ധൈര്യം നൽകുന്നത്.

ഇറാന്റെ മറുതന്ത്രം: കളി മാറുന്നു

ഇസ്രയേലിന്റെ ഈ കണക്കുകൂട്ടലുകൾ തെറ്റിക്കാൻ ഇറാൻ കോപ്പുകൂട്ടുകയാണ്. ഇസ്രയേലിന്റെ കോൺക്രീറ്റ് കോട്ടകളെ തുളച്ചുകയറാൻ ശേഷിയുള്ള തദ്ദേശീയമായി വികസിപ്പിച്ച ബാലിസ്റ്റിക് മിസൈലുകൾ ഇറാൻ വിന്യസിക്കാൻ ഒരുങ്ങുന്നുവെന്നാണ് റിപ്പോർട്ടുകൾ. കാഠിന്യമേറിയ സ്റ്റീൽ കവചങ്ങളും അതിവേഗവും ഗുരുത്വാകർഷണ ബലവും ഉപയോഗിച്ച് ഭൂമിക്കടിയിലെ ബങ്കറുകളെ തകർക്കുന്നതാണ് ഈ സാങ്കേതികവിദ്യ.

ഇത് വിജയിച്ചാൽ, ഇസ്രയേലിന് വമ്പൻ തിരിച്ചടിയാകും. സ്വന്തം ജനതയുടെ സുരക്ഷ ഉറപ്പില്ലാതെ, ശത്രുക്കൾക്കെതിരെ ഏകപക്ഷീയമായ ആക്രമണം നടത്താൻ ഇസ്രയേലിന് രണ്ടാമതൊന്ന് ആലോചിക്കേണ്ടി വരും. ഇത് ഇസ്രയേലിന്റെ സൈനിക ഡോക്ട്രിനെത്തന്നെ മാറ്റിമറിച്ചേക്കാം.

ബഹിരാകാശ യാത്രികർക്കും നല്ല ഫ്രഷ് മത്തിക്കറിയും അയല വറുത്തതുമൊക്കെ തിന്നാൻ പറ്റിയേക്കും..

ജൂൺ യുദ്ധവും ട്രംപിന്റെ മടങ്ങിവരവും

യുഎസ് പ്രസിഡന്റ് ഡൊണാൾഡ് ട്രംപിന്റെ നിർദ്ദേശപ്രകാരം അമേരിക്കൻ വ്യോമസേന ഇറാന്റെ ഫോർഡോ ആണവ കേന്ദ്രത്തിൽ കനത്ത ബോംബാക്രമണം നടത്തിയിരുന്നു. ഭൂമിക്കടിയിലുള്ള ഈ കേന്ദ്രം തകർക്കാൻ 30,000 പൗണ്ട് ഭാരമുള്ള ‘ബങ്കർ ബസ്റ്റർ’ ബോംബുകളാണ് അമേരിക്ക ഉപയോഗിച്ചത്.

ഇറാൻ ആണവപദ്ധതി പുനരാരംഭിക്കാൻ ശ്രമിച്ചാൽ ഉന്മൂലനം ചെയ്യുമെന്ന് ട്രംപ് ഭീഷണി മുഴക്കുമ്പോൾ, ഇറാൻ ബാലിസ്റ്റിക് മിസൈൽ പദ്ധതി വിപുലീകരിക്കുന്നതായാണ് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ആരോപിക്കുന്നത്.

“ഏത് ആക്രമണത്തിനും കനത്ത തിരിച്ചടി”

ഇസ്രയേലിന്റെയും അമേരിക്കയുടെയും ആരോപണങ്ങളെ ഇറാൻ വിദേശകാര്യ മന്ത്രാലയ വക്താവ് ഇസ്മായിൽ ബഗായി തള്ളി. ഇറാന്റെ മിസൈലുകൾ ആർക്കും ഭീഷണിയല്ലെന്നും, ആക്രമിക്കാൻ വരുന്നവരെ തടയാനുള്ള പ്രതിരോധം മാത്രമാണെന്നുമാണ് ഇറാന്റെ വാദം.

അതേസമയം, ഇറാന്റെ പരമോന്നത നേതാവിന്റെ ഉപദേഷ്ടാവ് അലി ഷംഖാനിയുടെ വാക്കുകൾ കടുപ്പമേറിയതാണ്. “ഇറാന്റെ മിസൈൽ ശേഷി ആരുടെയും അനുമതിക്ക് വിധേയമല്ല. ഏതെങ്കിലും തരത്തിലുള്ള ആക്രമണമുണ്ടായാൽ സങ്കൽപ്പങ്ങൾക്കും അപ്പുറമുള്ള തിരിച്ചടിയുണ്ടാകും,” അദ്ദേഹം മുന്നറിയിപ്പ് നൽകി. ഇറാന്റെ സൈനിക മേധാവി മേജർ ജനറൽ ആമിർ ഹതാമിയും സമാനമായ മുന്നറിയിപ്പ് നൽകിയിട്ടുണ്ട്.

ദുരൂഹമായ പരീക്ഷണങ്ങളും അഭ്യൂഹങ്ങളും

ഡിസംബർ 22-ന് ഇറാനിലെ വിവിധ നഗരങ്ങളിൽ മിസൈൽ പരീക്ഷണങ്ങൾ നടന്നതായി ഐആർജിസിയുമായി ബന്ധപ്പെട്ട ‘ഫാർസ് ന്യൂസ്’ റിപ്പോർട്ട് ചെയ്തിരുന്നു. ടെഹ്റാൻ, ഇസ്ഫഹാൻ തുടങ്ങിയ നഗരങ്ങളിൽ ആകാശത്ത് വെളുത്ത പാടുകൾ കണ്ടതായും വാർത്ത പരന്നു. എന്നാൽ, ഇറാൻ ഔദ്യോഗിക ടെലിവിഷൻ ഇത് നിഷേധിച്ചു. അത് വിമാനങ്ങളുടെ കോൺട്രെയിൽ (പുകപടലം) മാത്രമാണെന്നായിരുന്നു ഔദ്യോഗിക വിശദീകരണം. ഈ ദുരൂഹതയും ആശയക്കുഴപ്പവും ഇറാൻ നടത്തുന്ന മനഃശാസ്ത്ര യുദ്ധത്തിന്റെ ഭാഗമാണോ എന്നും സംശയിക്കപ്പെടുന്നു.

ഇറാന്റെ ബങ്കർ ബസ്റ്റർ മിസൈലുകൾ യാഥാർത്ഥ്യമായാൽ, അത് പശ്ചിമേഷ്യയുടെ സുരക്ഷാ ഭൂപടം തന്നെ മാറ്റിവരയ്ക്കും. ഇസ്രയേലിന്റെ പ്രതിരോധ കവചങ്ങളിൽ വിള്ളൽ വീഴ്ത്താൻ ഇറാന് കഴിയുമോ അതോ പുതിയ സാങ്കേതികവിദ്യയിലൂടെ ഇസ്രയേൽ ഇതിനെ മറികടക്കുമോ? ലോകം ഉറ്റുനോക്കുന്നത് ഈ ചോദ്യത്തിലേക്കാണ്.