അന്തരീക്ഷത്തിൽ ഒഴുകിയെത്തുന്ന നിശബ്ദ ഭീമൻ, അമ്പരന്ന് ആളുകൾ:വിഡിയോകൾ ലോകമെമ്പാടും വൈറലായി

നഗരത്തിലെ ഉയരമുള്ള കെട്ടിടങ്ങൾക്കിടയിലൂടെ ശബ്ദമുണ്ടാക്കാതെ, മെല്ലെ ഒഴുകി നീങ്ങുന്ന ഒരു കൂറ്റൻ വെള്ള എയർഷിപ്പ്! ഹെലികോപ്റ്ററുകളുടെയും വിമാനങ്ങളുടെയും പതിവ് ശബ്ദത്തിൽ നിന്ന് വ്യത്യസ്തമായി നിശബ്ദമായി പറന്ന ഈ കാഴ്ചയുടെ വിഡിയോകൾ ലോകമെമ്പാടും വൈറലായി. ഇത് എന്താണെന്നുള്ള ചർച്ചകളും ഊഹങ്ങളും സോഷ്യൽ മീഡിയയിൽ നിറഞ്ഞു. സാൻ ഫ്രാൻസിസ്കോ, ഓക്ക്‌ലാൻഡ്, അലമേഡ നിവാസികളാണ് ഈ കാഴ്ച കണ്ടത്.

ഒരൊറ്റ സർട്ടിഫിക്കറ്റിൽ കരിയർ മാറും; ഇത് പഠിച്ചോളൂ; ഒരു കമ്പനിക്കും നിങ്ങളെ കൈവിടാൻ കഴിയില്ല

Education News

സിനിമയുടെ ഷൂട്ടിങോ രഹസ്യ സർക്കാർ പ്രോട്ടോടൈപ്പോ അയിരുന്നില്ല ഈ പറക്കും ഭീമൻ.പാത്ത്ഫൈൻഡർ 1 എന്ന, സുസ്ഥിര വ്യോമയാന സാങ്കേതികവിദ്യയിലെ ഒരു വിപ്ലവകരമായ മുന്നേറ്റമാണിത് . ഗൂഗിളിന്റെ സഹസ്ഥാപകനായ സെർജി ബ്രിന്നിന്റെ പിന്തുണയോടെ പ്രവർത്തിക്കുന്ന Lighter Than Air (LTA) Research എന്ന കമ്പനിയാണ് ഈ അത്യാധുനിക യാനം രൂപകൽപ്പന ചെയ്ത് നിർമ്മിച്ചിരിക്കുന്നത്. പരമ്പരാഗത എയർഷിപ്പുകളിൽ നിന്ന് തികച്ചും വ്യത്യസ്തമായ Pathfinder 1, സീറോ-എമിഷൻ (പൂജ്യം മാലിന്യം) ലക്ഷ്യമിട്ടുള്ളതാണ്.

Sergey Brin just flew an Airship over the Golden Gate Bridge.

It’s called Pathfinder 1.

From a startup Sergey backed.

This is the future we want. New flying crafts! pic.twitter.com/AQyRkpo8QM
— Aidan Gold (@MrGoldBro) October 28, 2025

പ്രധാന സവിശേഷതകൾ:

ഇന്ധനം:ഹീലിയം (തീ പിടിക്കാത്ത വാതകം) ഉപയോഗിക്കുന്നു.

ചലനം: വൈദ്യുത പ്രൊപ്പൽഷൻ (Electric Propulsion) സംവിധാനം.

വലുപ്പം: ഏകദേശം 124 മീറ്റർ (400 അടി) നീളമുണ്ട്. ഇന്ന് പറക്കുന്ന ഏറ്റവും വലിയ വിമാനങ്ങളിൽ ഒന്നാണിത്.

നിർമ്മാണം: ഭാരം കുറഞ്ഞതും എന്നാൽ ഉറപ്പുള്ളതുമായ കാർബൺ ഫൈബർ ഫ്രെയിംവർക്കും ടൈറ്റാനിയം ഘടകങ്ങളും ഉപയോഗിക്കുന്നു.

പാത്ത് ഫൈൻഡർ വെറുമൊരു കൗതുക വാഹനമല്ല,ഭാവിയിലെ പരിസ്ഥിതി സൗഹൃദ ഗതാഗതത്തിന്റെ മാതൃകയാണ്. ഇന്ധനം തീർക്കാതെ തന്നെ ചരക്ക് നീക്കവും യാത്രക്കാരെ വഹിക്കാനുള്ള ശേഷിയുമുള്ള പുതിയ തലമുറ എയർഷിപ്പുകൾ നിർമ്മിക്കാനാണ്. വിമാനങ്ങൾക്കോ മറ്റ് വാഹനങ്ങൾക്കോ എത്തിപ്പെടാൻ പ്രയാസമുള്ള വിദൂര പ്രദേശങ്ങളിലേക്ക് ദുരിതാശ്വാസ സാമഗ്രികളും വൈദ്യസഹായവും വേഗത്തിലും ചെലവ് കുറഞ്ഞ രീതിയിലും എത്തിക്കാൻ ഈ എയർഷിപ്പുകൾക്ക് കഴിയും.

ഒരൊറ്റ സർട്ടിഫിക്കറ്റിൽ കരിയർ മാറും; ഇത് പഠിച്ചോളൂ; ഒരു കമ്പനിക്കും നിങ്ങളെ കൈവിടാൻ കഴിയില്ല

Education News

ഈ വർഷം മേയിൽ കലിഫോർണിയയിലെ മോഫറ്റ് ഫെഡറൽ എയർഫീൽഡിൽ വെച്ചാണ് പാത്ത് ഫൈൻഡർ അതിന്റെ ആദ്യ പരീക്ഷണ പറക്കൽ നടത്തിയത്. സാൻ ഫ്രാൻസിസ്കോയ്ക്ക് മുകളിലൂടെയുള്ള സമീപകാലത്തെ യാത്രയും സുപ്രധാനമായ ഒരു പരീക്ഷണ പറക്കലിന്റെ ഭാഗമായിരുന്നു.പതിറ്റാണ്ടുകൾക്ക് ശേഷം ആകാശത്തിലെ ഈ ഭീമാകാരമായ ‘ജെന്റിൽ ജയന്റ്’ (Gentle Giant) പുതിയൊരു യുഗത്തിന് തുടക്കമിടുകയാണ്.