യുഎസ് മിലിറ്ററിയുടെ അതീവ രഹസ്യ ‘ഡൂംസ്‌ഡേ’ വിമാനം; ദുരൂഹതയുണർത്തി യാത്ര,ആശങ്ക

യുഎസ് മിലിറ്ററിയുടെ അതീവ രഹസ്യ വിമാനമായ ‘ഡൂംസ്‌ഡേ പ്ലെയിൻ’ എന്ന് വിശേഷിപ്പിക്കപ്പെടുന്ന ബോയിംഗ് E-4B ‘നൈറ്റ്‌വാച്ച്’ , അപ്രതീക്ഷിതമായി പൊതുജന ശ്രദ്ധയിൽ എത്തിയത് വലിയ ചർച്ചകൾക്കും ആശങ്കകൾക്കും വഴിതെളിച്ചിരിക്കുകയാണ്.

അതിർത്തിയിൽ പാക് ഡ്രോണുകൾ; ഇരുട്ടിൽ തീപ്പൊരി ചിതറി സൈന്യത്തിന്റെ ‘ട്രേസർ റൗണ്ട്’, അതീവ ജാഗ്രത

സാധാരണഗതിയിൽ പൊതുജനങ്ങളുടെ ദൃഷ്ടിയിൽപ്പെടാതെ മാത്രം സഞ്ചരിക്കുന്ന ഈ ഭീമൻ വിമാനം, വിമാനത്താവളങ്ങളിൽ ലാൻഡിങ് നടത്തുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി. നിലവിലെ കലുഷിതമായ ഭൗമരാഷ്ട്രീയ സാഹചര്യത്തിൽ വിമാനത്തിന്റെ ഈ അസാധാരണ യാത്ര ദുരൂഹത വർദ്ധിപ്പിക്കുന്നു.

ദുരൂഹതയുണർത്തിയ യാത്രയുടെ നാൾവഴി

സന്നിധാനത്ത് യേശുദാസ് പതിവായി പാടുന്നത് ഈ പാട്ട് ; ഒറ്റ ദിവസം 10 പാട്ടും പാടി ജയചന്ദ്രൻ ; ഈ അയ്യപ്പൻ പാട്ടുകൾ സംഗീത ചക്രവർത്തിമാരുടെ കാണിക്ക

സിനിമ വേണ്ട, സീരീസ് മതി മലയാള താരങ്ങൾക്ക്! കുറ്റാന്വേഷണവും കോമഡിയും ഹിറ്റ്: ബോറടിപ്പിക്കാതെ ത്രില്ലടിപ്പിച്ച് മുന്നോട്ട്…

ഓൺലൈൻ സേവനങ്ങൾ: പ്രവാസിക്ക് ഒടിപി ലഭിക്കുക ഇന്ത്യയിലുള്ള മൊബൈൽ ഫോണിൽ: പ്രശ്നം എങ്ങനെ പരിഹരിക്കാം?

MORE PREMIUM STORIES

ജനുവരി 6-നാണ് നെബ്രാസ്കയിലെ ഒഫട്ട് എയർഫോഴ്‌സ് ബേസിൽ നിന്ന് വിമാനം യാത്ര തുടങ്ങിയത്. തുടർന്ന് വാഷിംഗ്ടൺ ഡിസിക്ക് അടുത്തുള്ള ക്യാമ്പ് സ്പ്രിങ്‌സിലും, പിന്നീട് ലോസ് ആഞ്ചലസ് അന്താരാഷ്ട്ര വിമാനത്താവളത്തിലും (LAX) വിമാനം ലാൻഡ് ചെയ്തു. തന്ത്രപരമായ ദൗത്യങ്ങൾക്കായി മാത്രം ഉപയോഗിക്കുന്ന ഈ വിമാനം എന്തിനാണ് പൊതുവിമാനത്താവളങ്ങളിൽ ഇറങ്ങിയതെന്ന ചോദ്യത്തിന് ഔദ്യോഗികമായ മറുപടികൾ ഒന്നും ലഭ്യമായിട്ടില്ല.

എന്താണ് ‘ഡൂംസ്‌ഡേ പ്ലെയിൻ’?

ഒരു ആണവയുദ്ധമോ അല്ലെങ്കിൽ ഭൂമിയിലെ കമാൻഡ് സെന്ററുകൾ പൂർണ്ണമായും തകരുകയോ ചെയ്യുന്ന അടിയന്തര ഘട്ടങ്ങളിൽ യുഎസ് സർക്കാരിനും സൈന്യത്തിനും സുരക്ഷിതമായി പ്രവർത്തിക്കാൻ സജ്ജമാക്കിയ പറക്കുന്ന പെന്റഗണാണ് ബോയിംഗ് E-4B.

യുഎസ് മിലിറ്ററിയുടെ അതീവ രഹസ്യ ‘ഡൂംസ്‌ഡേ’ വിമാനം; ദുരൂഹതയുണർത്തി യാത്ര,ആശങ്ക

അതിജീവന ശേഷി: ആണവ സ്ഫോടനത്തിൽ നിന്നുണ്ടാകുന്ന ഇലക്ട്രോമാഗ്നറ്റിക് പൾസുകളെ (EMP) പ്രതിരോധിക്കാൻ വിമാനത്തിന്റെ ഇലക്ട്രോണിക്സ് സംവിധാനങ്ങൾക്ക് ശേഷിയുണ്ട്.

ആധുനിക ആശയവിനിമയം: ലോകത്തെവിടെയുമുള്ള മുങ്ങിക്കപ്പലുകളുമായും സൈനിക കേന്ദ്രങ്ങളുമായും നേരിട്ട് ബന്ധപ്പെടാൻ വിമാനത്തിന് സാധിക്കും.

ഇന്ധനം നിറയ്ക്കൽ: ആകാശത്തുവെച്ച് തന്നെ ഇന്ധനം നിറയ്ക്കാൻ സാധിക്കുന്നതിനാൽ ദിവസങ്ങളോളം വിമാനത്തിന് ലാൻഡ് ചെയ്യാതെ ആകാശത്ത് തുടരാനാകും.

യാത്രക്കാർ: പ്രസിഡന്റ്, പ്രതിരോധ സെക്രട്ടറി എന്നിവരുൾപ്പെടെയുള്ള ഉന്നത ഭരണാധികാരികൾക്ക് യുദ്ധസാഹചര്യത്തിൽ രാജ്യത്തെ നിയന്ത്രിക്കാൻ ആവശ്യമായ എല്ലാ സൗകര്യങ്ങളും വിമാനത്തിനുള്ളിലുണ്ട്.

പീറ്റ് ഹെഗ്സെത്തിന്റെ യാത്ര‌

പുതിയ റിപ്പോർട്ടുകൾ പ്രകാരം യുഎസ് പ്രതിരോധ സെക്രട്ടറി പീറ്റ് ഹെഗ്സെത്ത്ആയിരുന്നു വിമാനത്തിൽ ഉണ്ടായിരുന്നത്. സാധാരണ ഗതിയിൽ ഇത്തരം യാത്രകൾക്കായി സർക്കാർ വിമാനങ്ങൾ ഉപയോഗിക്കാറുള്ളപ്പോൾ, അതീവ പ്രാധാന്യമുള്ള ഒരു ‘ഡൂംസ്‌ഡേ പ്ലെയിൻ’ എന്തിന് ഉപയോഗിച്ചു എന്ന കാര്യത്തിൽ പെന്റഗൺ വിശദീകരണം നൽകിയിട്ടില്ല. ഹെഗ്സെത്തിന്റെ ‘ആഴ്സണൽ ഓഫ് ഫ്രീഡം’ (Arsenal of Freedom) പര്യടനത്തിന്റെ ഭാഗമായാണ് യാത്രയെന്ന് ചില സൂചനകളുണ്ടെങ്കിലും, സൈനിക കേന്ദ്രങ്ങൾക്കിടയിലെ അസാധാരണ ചലനമായി ഇതിനെ പലരും കാണുന്നു.

യുഎസ് മിലിറ്ററിയുടെ അതീവ രഹസ്യ ‘ഡൂംസ്‌ഡേ’ വിമാനം; ദുരൂഹതയുണർത്തി യാത്ര,ആശങ്ക

വെനസ്വേലൻ പ്രസിഡന്റ് നിക്കോളാസ് മഡുറോയെ യുഎസ് പിടികൂടിയതും, ഇറാൻ വിഷയത്തിലെ കടുപ്പമേറിയ നിലപാടുകളും നിലനിൽക്കുന്ന സാഹചര്യത്തിൽ ഏതൊരു നീക്കത്തിലും സംശയത്തിലാണ് ആഗോള നിരീക്ഷകർ.9/11 ആക്രമണത്തിന് ശേഷം ആദ്യമായാണ് ഈ വിമാനം ഇത്തരത്തിൽ സജീവമായി കാണപ്പെടുന്നത് എന്നത് മറ്റൊരു കാരണമാണ് . സൈനിക പരിശീലനമാണോ അതോ വരാനിരിക്കുന്ന ഏതെങ്കിലും വലിയ വെല്ലുവിളിക്കായുള്ള മുൻകരുതലാണോ ഈ നീക്കമെന്നതിൽ ഇപ്പോഴും അവ്യക്തത തുടരുന്നു.