പുതുവർഷം ആദ്യ മാസം തന്നെ ഫോൺ വിപണിയിൽ വമ്പൻ പോരാട്ടം; റെഡ്മിയും റിയൽമിയും നാളെ, കരുത്തനായി ഒപ്പോയും!

പുതുവർഷത്തിലെ ആദ്യ മാസം തന്നെ ഇന്ത്യൻ സ്മാർട്ട്ഫോൺ വിപണിയിൽ തീപാറും പോരാട്ടത്തിന് കളമൊരുങ്ങുന്നു. പ്രമുഖ നിർമ്മാതാക്കളായ ഷഓമിയും റിയൽമിയും ഏറ്റവും പുതിയ സ്മാർട്ട്ഫോണുകൾ നാളെ അവതരിപ്പിക്കാൻ ഒരുങ്ങുമ്പോൾ(ജനുവരി 6), വിപണിയിൽ തരംഗമാകാൻ വമ്പൻ ബാറ്ററിയുമായി ഒപ്പോയുടെ പുതിയ ഫോണും എത്തിക്കഴിഞ്ഞു.വിപണിയിലെത്താൻ പോകുന്ന പ്രധാന ഫോണുകളെക്കുറിച്ചും അവയുടെ സവിശേഷതകളെക്കുറിച്ചും കൂടുതൽ അറിയാം.

പുതുവർഷം ആദ്യ മാസം തന്നെ ഫോൺ വിപണിയിൽ വമ്പൻ പോരാട്ടം; റെഡ്മിയും റിയൽമിയും നാളെ, കരുത്തനായി ഒപ്പോയും!

റെഡ്മി നോട്ട് 15 5ജി

നിരവധി ആരാധകരുള്ള റെഡ്മി നോട്ട് സീരീസിലെ പുതിയ പതിപ്പാണ് ഷഓമി നാളെ അവതരിപ്പിക്കുന്നത്. ആമസോൺ വഴിയായിരിക്കും ഫോണിന്റെ വിൽപന. ഫോണിനൊപ്പം ‘റെഡ്മി പാഡ് 2 പ്രോ’ ടാബ്‌ലെറ്റും കമ്പനി പുറത്തിറക്കും.

ക്യാമറ: 108 മെഗാപിക്സൽ മെയിൻ ക്യാമറയാണ് ഫോണിന്റെ പ്രധാന ആകർഷണം.

ബാറ്ററി: 45W ഫാസ്റ്റ് ചാർജിങ് പിന്തുണയുള്ള 5,520 mAh ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്.

സോഫ്റ്റ്‌വെയർ: ആൻഡ്രോയിഡ് 15 അടിസ്ഥാനമാക്കിയുള്ള ഷഓമിയുടെ പുതിയ ഹൈപ്പർ ഒഎസ് 2-ലായിരിക്കും ഫോൺ പ്രവർത്തിക്കുക.

സുരക്ഷ: പൊടിപടലങ്ങളെയും വെള്ളം തെറിക്കുന്നതിനെയും പ്രതിരോധിക്കാൻ ശേഷിയുള്ള IP66 റേറ്റിങ്ങും ഫോണിനുണ്ട്.

റിയൽമി 16 പ്രോ സീരീസ്

ഡിസൈനിലും ക്യാമറയിലും വിപ്ലവകരമായ മാറ്റങ്ങളുമായാണ് റിയൽമി എത്തുന്നത്. റിയൽമി 16 പ്രോ, റിയൽമി 16 പ്രോ പ്ലസ് എന്നിങ്ങനെ രണ്ട് ഫോണുകളാണ് ഈ സീരീസിലുള്ളത്.

അർബൻ വൈൽഡ് ഡിസൈൻ: പ്രശസ്ത ഡിസൈനർ നവോട്ടോ ഫുകസാവയുമായി സഹകരിച്ച്, പ്രകൃതിദത്തമായ ടെക്സ്ചറുകളും അർബൻ സൗന്ദര്യശാസ്ത്രവും സംയോജിപ്പിച്ചാണ് ഫോൺ രൂപകല്പന ചെയ്തിരിക്കുന്നത്. ബയോ-ബേസ്ഡ് ഓർഗാനിക് സിലിക്കൺ മെറ്റീരിയലാണ് നിർമ്മാണത്തിന് ഉപയോഗിച്ചിരിക്കുന്നത്.

ക്യാമറ: ഫോട്ടോഗ്രാഫി പ്രേമികൾക്കായി 200 മെഗാപിക്സൽ ക്യാമറയാണ് റിയൽമി ഒരുക്കിയിരിക്കുന്നത്.

നിറങ്ങൾ: മാസ്റ്റർ ഗോൾഡ്, മാസ്റ്റർ ഗ്രേ, കാമലിയ പിങ്ക്, ഓർക്കിഡ് പർപ്പിൾ എന്നീ നിറങ്ങളിൽ ലഭ്യമാകും.

ഒപ്പോ എ6 പ്രോ 5G (Oppo A6 Pro 5G)

റെഡ്മിക്കും റിയൽമിക്കും വെല്ലുവിളിയുയർത്തി ഒപ്പോയുടെ എ-സീരീസിലെ പുതിയ താരം ഇതിനകം വിപണിയിൽ എത്തിക്കഴിഞ്ഞു. കരുത്തുറ്റ ബാറ്ററിയും ദൃഢതയുമാണ് ഒപ്പോ എ6 പ്രോയുടെ മുഖമുദ്ര.

പ്രധാന സവിശേഷതകൾ:

ബാറ്ററി: 80W ഫാസ്റ്റ് ചാർജിങ് പിന്തുണയുള്ള കൂറ്റൻ 7,000 mAh ബാറ്ററിയാണ് ഫോണിന്റെ ഹൈലൈറ്റ്.

ഡിസ്പ്ലേ: 6.57 ഇഞ്ച് HD+ ഡിസ്പ്ലേ, 120Hz റിഫ്രഷ് റേറ്റ്.

പെർഫോമൻസ്: മീഡിയടെക് ഡൈമെൻസിറ്റി 3600 ചിപ്‌സെറ്റാണ് ഫോണിന് കരുത്തുപകരുന്നത്. കളർ ഒഎസ് 15 (ആൻഡ്രോയിഡ് 15) ആണ് ഓപ്പറേറ്റിംഗ് സിസ്റ്റം.

ക്യാമറ: 50MP മെയിൻ ക്യാമറയും 16MP സെൽഫി ക്യാമറയും.

ഡ്യൂറബിലിറ്റി: IP66, IP68, IP69 റേറ്റിംഗുകൾ ഉള്ളതിനാൽ വെള്ളത്തെയും പൊടിയെയും മികച്ച രീതിയിൽ പ്രതിരോധിക്കും.

വിലയും ലഭ്യതയും: ആമസോൺ, ഫ്ലിപ്കാർട്ട്, ഒപ്പോ സ്റ്റോറുകൾ വഴി ഫോൺ ലഭ്യമാണ്.

8ജിബി + 128ജിബി: 21,999 രൂപ

8ജിബി + 256ജിബി: 23,999 രൂപ (ലോഞ്ച് ഓഫറായി 10% ബാങ്ക് ഡിസ്കൗണ്ടും ലഭ്യമാണ്).