ഐഓഎസ് 26 അപ്ഡേറ്റ് ഇന്ന്, ലിക്വിഡ് ഗ്ലാസ് ഡിസൈൻ; അപ്ഡേറ്റ് ചെയ്യും മുൻപ് ശ്രദ്ധിക്കണേ

ഐഫോൺ ഉപയോക്താക്കൾക്ക് ഏറെ പ്രതീക്ഷയോടെ കാത്തിരുന്ന ഐഓഎസ് 26 അപ്‌ഡേറ്റ് ഉടന്‍ എത്തും. iOS 7-ന് ശേഷം ഐഫോണിന് ലഭിക്കുന്ന ഏറ്റവും വലിയ ഡിസൈൻ മാറ്റങ്ങളുമായാണ് ഈ പുതിയ ഓപ്പറേറ്റിങ് സിസ്റ്റം എത്തുന്നത്. “ലിക്വിഡ് ഗ്ലാസ്” എന്ന പുതിയ ഡിസൈൻ, രൂപകൽപ്പനയെ അടിസ്ഥാനപരമായി മാറ്റിമറിക്കും. നിയന്ത്രണങ്ങളിലും, നാവിഗേഷനിലും, ആപ്പ് ഐക്കണുകളിലും, വിജറ്റുകളിലും പുതുമ കൊണ്ടുവന്നേക്കും.

പിന്നിൽ ഒറ്റ ക്യാമറ മാത്രം, വില 1,19,900 രൂപ,’ഏറ്റവും മെലിഞ്ഞ’ ഐഫോണ്‍ എയർ; ഇതെന്തിന് വാങ്ങണം

ലിക്വിഡ് ഗ്ലാസിനൊപ്പം, കോൾ സ്ക്രീനിങ്, ലൈവ് ട്രാൻസ്ലേഷൻ, ഓട്ടോമിക്സ് തുടങ്ങി നിരവധി ഫീച്ചറുകളും ഐഓഎസ് 26ൽ ആപ്പിൾ അവതരിപ്പിക്കുന്നു. പുതിയ അപ്‌ഡേറ്റിനെക്കുറിച്ച് അറിയേണ്ടതെല്ലാം ഇവിടെയുണ്ട്.

ആപ്പിൾ iOS 26: ഇന്ത്യയിലെ റിലീസ് സമയം

ആപ്പിളിന്റെ പതിവ് റിലീസ് ഷെഡ്യൂൾ അനുസരിച്ച്, –രാത്രി 10:30-ന് (IST) ഇന്ത്യയിൽ അപ്‌ഡേറ്റ് ലഭ്യമാകും.

ആപ്പിൾ iOS 26: പുതിയ ഫീച്ചറുകൾ

കോൾ സ്ക്രീനിങ് & ഹോൾഡ് അസിസ്റ്റ്: ഫോൺ ആപ്പിൽ പുതിയ കോൾ സ്ക്രീനിങ്, ഹോൾഡ് അസിസ്റ്റ് ഫീച്ചറുകൾ ഉൾപ്പെടുത്തിയിട്ടുണ്ട്. അപരിചിതമായ നമ്പറുകളിൽ നിന്ന് വരുന്ന കോളുകൾക്ക്, വിളിക്കുന്ന ആളുടെ പേരും വിളിക്കുന്നതിന്റെ കാരണവും ചോദിക്കുന്ന കോൾ സ്ക്രീനിംഗ് സൗകര്യം ലഭ്യമാക്കുന്നു. ഹോൾഡ് അസിസ്റ്റ് ഫീച്ചർ, കോൾ ഹോൾഡിൽ ഇരിക്കുമ്പോൾ അത് സ്വയം കാത്തുനിൽക്കുകയും ഒരു ഏജന്റ് ലഭ്യമാകുമ്പോൾ ഉപയോക്താവിനെ അറിയിക്കുകയും ചെയ്യും.

‘എന്റെ രാജ്യത്തെയും ജനങ്ങളെയും അതിയായി സ്നേഹിച്ചു, മനഃപൂർവം ആരെയും ദ്രോഹിച്ചിട്ടില്ല’: പുതിയ പുസ്തകം പുറത്തിറക്കി ഷെയ്ഖ് മുഹമ്മദ്

അഡാപ്റ്റീവ് പവർ മോഡ്: ഐഫോൺ 15 പ്രോ മോഡലുകളിലും അതിനുശേഷമുള്ള മോഡലുകളിലും അഡാപ്റ്റീവ് പവർ മോഡ് എന്ന പുതിയ ഫീച്ചർ ബാറ്ററി ലൈഫ് വർദ്ധിപ്പിക്കുന്നതിനായി ഫോണിന്റെ പ്രവർത്തനത്തിൽ മാറ്റങ്ങൾ വരുത്തുന്നു.

മെസേജസ് ആപ്പ്: മെസേജസ് ആപ്പിന് ഗണ്യമായ നവീകരണങ്ങൾ ലഭിച്ചു. സംഭാഷണത്തിന് പശ്ചാത്തലങ്ങൾ, ഗ്രൂപ്പ് ചാറ്റുകളിൽ പോളുകൾ, ഗ്രൂപ്പ് സംഭാഷണങ്ങളിൽ ആപ്പിൾ ക്യാഷ് എന്നിവ ഇതിൽ ഉൾപ്പെടുന്നു. കൂടാതെ, അപരിചിതരായ ആളുകളിൽ നിന്ന് വരുന്ന സന്ദേശങ്ങൾ ഒരു പ്രത്യേക ഫോൾഡറിലേക്ക് മാറ്റുന്നതിനുള്ള സൗകര്യവും ഉണ്ട്.

ആപ്പിൾ ഇന്റലിജൻസ്: ആപ്പിൾ ഇന്റലിജൻസ് എന്ന എഐ സാങ്കേതികവിദ്യ ലൈവ് ട്രാൻസ്ലേഷൻ പോലുള്ള പുതിയ കഴിവുകൾക്ക് കരുത്ത് പകരുന്നു. മെസജസ്, ഫേസ്ടൈം, ഫോൺ ആപ്പുകൾ എന്നിവയിൽ തത്സമയം ടെക്സ്റ്റും ഓഡിയോയും വിവർത്തനം ചെയ്യാൻ ഇത് സഹായിക്കുന്നു. കൂടാതെ, ഐഫോൺ സ്ക്രീനിലെ എന്ത് കാര്യവും തിരയാനും അതിൽ പ്രവർത്തനങ്ങൾ നടത്താനും വിഷ്വൽ ഇന്റലിജൻസ് സഹായിക്കും.

‘എന്റെ രാജ്യത്തെയും ജനങ്ങളെയും അതിയായി സ്നേഹിച്ചു, മനഃപൂർവം ആരെയും ദ്രോഹിച്ചിട്ടില്ല’: പുതിയ പുസ്തകം പുറത്തിറക്കി ഷെയ്ഖ് മുഹമ്മദ്

മറ്റ് പ്രധാന ഫീച്ചറുകൾ: ആപ്പിൾ മ്യൂസിക്കിൽ ഓട്ടോമിക്സ് ഫീച്ചറും, കാർപ്ലേയിൽ ലിക്വിഡ് ഗ്ലാസ് ഡിസൈൻ അപ്‌ഡേറ്റുകളും, പുതിയ കോംപാക്റ്റ് കോൾ വ്യൂസും iOS 26-ൽ ഉൾപ്പെടുത്തിയിട്ടുണ്ട്. കൂടാതെ, മാക്കിൽ ലഭ്യമായിരുന്ന ആപ്പിളിന്റെ പ്രിവ്യൂ ആപ്പ് ഇനി മുതൽ ഐഫോണിലും PDF, ഇമേജ് എഡിറ്റിംഗിനായി ഉപയോഗിക്കാം.

ആപ്പിൾ iOS 26: പിന്തുണയ്ക്കുന്ന ഐഫോൺ മോഡലുകൾ

ഐഫോൺ 11 സീരീസ്, അതിനുശേഷമുള്ള മോഡലുകൾ എന്നിവയ്ക്ക് iOS 26 ലഭ്യമാകും. പൂർണ്ണമായ ലിസ്റ്റ് താഴെ നൽകുന്നു:

ഐഫോൺ 17 സീരീസ് (iOS 26-നൊപ്പം ലഭ്യമാകും)

ഐഫോൺ എയർ (iOS 26-നൊപ്പം ലഭ്യമാകും)

ഐഫോൺ 16 സീരീസ്

ഐഫോൺ 15 സീരീസ്

ഐഫോൺ 14 സീരീസ്

ഐഫോൺ SE (2022)

ഐഫോൺ 13 സീരീസ്

ഐഫോൺ 12 സീരീസ്

ഐഫോൺ 11 സീരീസ്

ആപ്പിൾ ഇന്റലിജൻസ് ഫീച്ചറുകൾ ഐഫോൺ 15 പ്രോ, അതിനുശേഷമുള്ള മോഡലുകൾ, ഐഫോൺ 16 സീരീസ്, പുതിയ ഐഫോൺ 17 സീരീസ് എന്നിവയിൽ മാത്രം ലഭ്യമാകും. ഈ നൂതന എഐ ഫീച്ചറുകൾക്ക് ഉയർന്ന പ്രോസസിങ് ശേഷി ആവശ്യമായതിനാലാണ് ഈ നിയന്ത്രണം.

അപ്‌ഡേറ്റ് ഡൗൺലോഡ് ചെയ്യുന്നതിന് മുമ്പ് ഈ കാര്യങ്ങൾ ശ്രദ്ധിക്കുക:

ഒരില പോലും അനങ്ങാത്തത്ര ജാഗ്രത,കൊറിയകൾക്കിടയിലെ വല്ലാത്തൊരു ലൈൻ; കടുവയും പുലിയും വാഴുന്ന ഇടം!

ഇൻസ്റ്റാളേഷന് മുമ്പ്:

ഇൻസ്റ്റാളേഷൻ സമയത്ത് ഉണ്ടാകാൻ സാധ്യതയുള്ള പ്രശ്നങ്ങളിൽ നിന്ന് ഡാറ്റ സംരക്ഷിക്കുന്നതിന് ഐഫോൺ ഐക്ലൗഡിലോ ഗൂഗിൾ ക്ലൗഡിലോ ബാക്കപ്പ് ചെയ്യുക.

ആവശ്യമായ സ്റ്റോറേജ് ഉണ്ടെന്ന് ഉറപ്പുവരുത്തുക (സാധാരണയായി 3-5 GB ആവശ്യമായി വരും).

സ്ഥിരതയുള്ള ഒരു വൈഫൈ നെറ്റ്​വർക്കിലേക്ക് ബന്ധിപ്പിക്കുക.

ഫോണിന് കുറഞ്ഞത് 50 ശതമാനം ചാർജ് ഉണ്ടെന്ന് ഉറപ്പുവരുത്തുക.

ഇൻസ്റ്റാളേഷൻ ഘട്ടങ്ങൾ:

ഐഫോണിലെ ‘Settings’ തുറക്കുക.

‘General’ എന്ന ഓപ്ഷനിലേക്ക് പോവുക.

‘Software Update’ തിരഞ്ഞെടുക്കുക.

ഐഫോൺ പുതിയ അപ്‌ഡേറ്റുകൾ ഉണ്ടോ എന്ന് സ്വയം പരിശോധിക്കും.

‘Download & Install’ എന്നതിൽ ടാപ്പ് ചെയ്യുക.

നിബന്ധനകളും വ്യവസ്ഥകളും വായിച്ചശേഷം Accept എന്നതിൽ ടാപ് ചെയ്യുക.

ഇതോടെ iOS 26 സ്വയമേവ ഡൗൺലോഡ് ചെയ്യുകയും ഇൻസ്റ്റാൾ ചെയ്യുകയും ചെയ്യും.

ഡൗൺലോഡ് ചെയ്യാനും ഇൻസ്റ്റാൾ ചെയ്യാനും ഇന്റർനെറ്റ് വേഗത, ഐഫോൺ മോഡൽ എന്നിവ അനുസരിച്ച് 30-60 മിനിറ്റ് വരെ സമയമെടുത്തേക്കാം.

Technology News

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com