മുതിർന്നവർ പറയുന്നതു കേൾക്കരുത്! സാം ആൾട്മാൻ ഇങ്ങനെ പറയാൻ കാരണമെന്ത്?

ഇന്ത്യയിലെ യുവതലമുറ തങ്ങളുടെ കരിയറിൽ വരുത്തിയേക്കാവുന്ന ഏറ്റവും വലിയ തെറ്റിനെക്കുറിച്ച് തുറന്നടിച്ച് പ്രതികരിച്ചിരിക്കുകയാണ് ഓപ്പൺഎഐ സിഇഒ സാം ആൾട്മാൻ. 2026 ഫെബ്രുവരിയിൽ ഐഐടി ഡൽഹിയിലെ ഡോഗ്ര ഹാളിൽ വിദ്യാർഥികളെ അഭിസംബോധന ചെയ്ത് സംസാരിക്കവെയാണ് അദ്ദേഹം ഈ നിർണായക ഉപദേശങ്ങൾ നൽകിയത്. എഐ യുഗത്തിൽ അതിജീവിക്കാൻ യുവതലമുറ വരുത്തേണ്ട മാറ്റങ്ങൾ ഇവയാണ്:

ബാല്യകാല സുഹൃത്തുക്കൾ ചേർന്ന് തുടങ്ങി, ചെസ് കളിയിലൂടെ കോടികളുടെ വിറ്റുവരവ്; അഭിജിത്തിന്റെ വിജയകഥ ടെക്സ്‌പെക്‌റ്റേഷൻസിൽ!

മുതിർന്നവർ പറയുന്നതു കേൾക്കരുത്

യുവതലമുറ ഇപ്പോൾ വരുത്തുന്ന ഏറ്റവും വലിയ തെറ്റ് എന്താണെന്ന ചോദ്യത്തിന്, “മുതിർന്നവർ പറയുന്നതു കേൾക്കുന്നതാണ് നിങ്ങൾ ചെയ്യുന്ന ഏറ്റവും വലിയ തെറ്റ്” എന്നായിരുന്നു ആൾട്മാന്റെ മറുപടി. ലോകം അതിവേഗം മാറിക്കൊണ്ടിരിക്കുകയാണെന്നും പഴയ തലമുറയുടെ തൊഴിൽ സങ്കൽപ്പങ്ങൾ ഇനി പ്രസക്തമാകില്ലെന്നും അദ്ദേഹം ഓർമ്മിപ്പിച്ചു.

What you should read next

കേരളത്തിന്റെ സ്റ്റാർട്ടപ് സ്വപ്നങ്ങൾക്ക് കരുത്തുപകരുന്ന സാരഥി;അനൂപ് അംബിക ടെക്സ്പെക്റ്റേഷൻസിലേക്ക്

മാതാപിതാക്കളുടെ സ്‌നേഹം സ്വീകരിക്കണം, പക്ഷെ…

ADVERTISEMENT

നിങ്ങളെ ഏറ്റവുമധികം സ്‌നേഹിക്കുന്നത് മാതാപിതാക്കളാണെന്നും എങ്ങനെ നല്ലൊരു വ്യക്തിയായി ജീവിക്കാം എന്നതിനെക്കുറിച്ചുള്ള അവരുടെ ഉപദേശങ്ങൾ വിലപ്പെട്ടതാണെന്നും ആൾട്മാൻ പറഞ്ഞു. എന്നാൽ കരിയറിന്റെ കാര്യത്തിൽ അവരുടെ പരമ്പരാഗതമായ കാഴ്ചപ്പാടുകളെ (Traditional Career Advice) പിൻതുടരുന്നത് ഗുണകരമാകില്ല.

സ്വന്തം സഹജാവബോധം (Intuition) വളർത്തണം

മുതിർന്നവരുടെ അഭിപ്രായങ്ങൾക്ക് ചെവികൊടുക്കുന്നതിനു പകരം സ്വന്തം സഹജാവബോധം വളർത്താനാണ് അദ്ദേഹം ആവശ്യപ്പെട്ടത്. “ഭാവിയിൽ ലോകം എങ്ങനെയായിരിക്കുമെന്ന് പ്രവചിക്കാൻ എന്നെപ്പോലും വിശ്വസിക്കരുത്. യുവജനങ്ങളാണ് മാറ്റങ്ങൾ ഏറ്റവും നന്നായി മനസ്സിലാക്കുന്നത്. അതിനാൽ സ്വന്തം ഉൾക്കാഴ്ചകളിൽ വിശ്വസിച്ച് മുന്നേറുക,” അദ്ദേഹം പറഞ്ഞു.

Mike Coppola/Getty Images/AFP

എഐ മനുഷ്യർക്ക് പകരമാകുമോ?

ADVERTISEMENT

എഐ എല്ലാ ജോലികളും ഇല്ലാതാക്കുമെന്ന് കരുതി ഭയപ്പെടേണ്ടതില്ലെന്ന് ഓൾട്ട്മാൻ വ്യക്തമാക്കി. ചില തൊഴിലുകൾ ഇല്ലാതാകുമെങ്കിലും, ഇന്ന് നമുക്ക് സങ്കൽപ്പിക്കാൻ പോലും കഴിയാത്ത പുതിയ തൊഴിലവസരങ്ങൾ ഭാവിയിൽ സൃഷ്ടിക്കപ്പെടും. 1990-കളിൽ ‘യൂട്യൂബർ’ എന്നൊരു ജോലി ആരെങ്കിലും സ്വപ്നം കണ്ടിരുന്നോ എന്ന് അദ്ദേഹം ഉദാഹരണമായി ചൂണ്ടിക്കാട്ടി.

റിസ്‌ക് എടുക്കാനുള്ള ധൈര്യം

ഇന്ത്യക്കാർ പൊതുവെ റിസ്‌ക് എടുക്കാൻ മടിക്കുന്നവരാണെന്ന് അദ്ദേഹം നിരീക്ഷിച്ചു. “പരാജയപ്പെടാൻ എനിക്ക് പേടിയില്ലാത്തതിനാലാണ് വിജയം എന്നെ തേടി വരുന്നത്,” എന്ന് പറഞ്ഞ അദ്ദേഹം, യുവതലമുറ സുരക്ഷിതമായ കരിയർ പാതകൾക്ക് പകരം പരീക്ഷണങ്ങൾക്ക് മുതിരണമെന്നും ആവശ്യപ്പെട്ടു.

What you should read next

അരനൂറ്റാണ്ടിനുശേഷം വീണ്ടും ചന്ദ്രനരികിലേക്ക്!;ചരിത്രയാത്രയിൽ മാറ്റുരയ്ക്കാൻ നാല് വിസ്മയ മനുഷ്യർ, എപ്പോഴാണെന്നറിയാം

2028-ഓടെ വരാനിരിക്കുന്ന മാറ്റങ്ങൾ

ADVERTISEMENT

2028-ഓടെ ലോകത്തെ മൊത്തം മനുഷ്യരുടെ ബുദ്ധിശക്തിയെക്കാൾ കൂടുതൽ ശേഷി ഡാറ്റാ സെന്ററുകൾക്ക് കൈവരുമെന്നും ‘സൂപ്പർ ഇന്റലിജൻസ്’ എന്ന അവസ്ഥയിലേക്ക് നാം അടുക്കുകയാണെന്നും അദ്ദേഹം പ്രവചിച്ചു. മാറ്റങ്ങൾ ഉൾക്കൊള്ളാൻ ‘റെസിലിയൻസ്’ (Resilience) അഥവാ അതിജീവനശേഷിയാണ് വിദ്യാർത്ഥികൾ വളർത്തിയെടുക്കേണ്ടത്.