തീപിടിച്ച് ചിതറിത്തെറിച്ചു തുർക്കിയുടെ സൈനിക വിമാനം; അപകട മുന്നറിയിപ്പുണ്ടായില്ല, ദുരൂഹമായി വിഡിയോ

തുർക്കിയുടെ സി-130 സൈനിക കാർഗോ വിമാനം ജോർജിയ-അസർബൈജാൻ അതിർത്തിയിൽ തകർന്നുവീണതായി അടുത്തിടെ വാർത്തകൾ വന്നിരുന്നു. ഈ അപകടത്തിൽ വിമാനത്തിലുണ്ടായിരുന്ന ജീവനക്കാരും യാത്രക്കാരുമടക്കം 20 സൈനിക ഉദ്യോഗസ്ഥർ മരണപ്പെടുകയും ചെയ്തു. തുർക്കി വ്യോമസേനയുടെ ലോക്ക്ഹീഡ് സി-130 ഹെർക്കുലീസ് (Lockheed C-130 Hercules) സൈനിക കാർഗോ വിമാനമാണ് ഇത്തരത്തിൽ അപകടത്തിൽപ്പെട്ടത്.

ഒരു കൊടി കയ്യിൽ കൊണ്ടു നടന്നാലെന്താ? പെട്ടന്നിങ്ങനെ ഒരു രക്തസാക്ഷിയെ കിട്ടിയാലോ?

ദുരന്ത സിഗ്നലുകളൊന്നും അയക്കാതെ വിമാനം റഡാറിൽ നിന്ന് അപ്രത്യക്ഷമാവുകയും, ആകാശത്തുവെച്ച് പല ഭാഗങ്ങളായി ചിതറി താഴേക്ക് പതിക്കുകയും ചെയ്യുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.

🇬🇪🇦🇿🇹🇷 TUAF543 | Turkish Air Force C-130 (reg. 68-01609) Aircraft tracked departing Ganja earlier today, later signal lost over Georgian territory.

Footage below apparently shows the crash of the same aircraft, currently under verification. pic.twitter.com/1Qjt0FiBtY
— Visioner (@visionergeo) November 11, 2025

അപകടത്തിന്റെ കാരണം കണ്ടെത്താൻ തുർക്കി, ജോർജിയൻ അധികൃതർ സംയുക്തമായി വിശദമായ അന്വേഷണം ആരംഭിച്ചിട്ടുണ്ട്. നിലവിൽ, അപകടത്തിന്റെ കൃത്യമായ കാരണം എന്താണെന്ന് സ്ഥിരീകരിച്ചിട്ടില്ല.

പ്രാഥമിക അന്വേഷണങ്ങൾ സൂചിപ്പിക്കുന്നത്, വിമാനം ആകാശത്തുവെച്ച് തകരുകയും ഇന്ധനം ചോർന്ന് എൻജിൻ തീപിടിക്കുകയും ചെയ്തതിനെത്തുടർന്ന് നിയന്ത്രണം നഷ്ടപ്പെട്ട് തകർന്നുവീഴുകയായിരുന്നു എന്നാണ്.

അന്തിമ നിഗമനത്തിൽ എത്താൻ വിമാനത്തിന്റെ ബ്ലാക്ക് ബോക്സ് പരിശോധിക്കേണ്ടതുണ്ട്. അപകട സ്ഥലത്തുനിന്ന് ബ്ലാക്ക് ബോക്സ് കണ്ടെടുത്തു.

ഒരു കൊടി കയ്യിൽ കൊണ്ടു നടന്നാലെന്താ? പെട്ടന്നിങ്ങനെ ഒരു രക്തസാക്ഷിയെ കിട്ടിയാലോ?

വിമാനം വെടിവെച്ചിട്ടതാണോ എന്ന സാധ്യതയും അന്വേഷണ പരിധിയിലുണ്ടെന്ന് റിപ്പോർട്ട് ചെയ്യുന്നു.അപകടത്തിന്റെ അവശിഷ്ടങ്ങൾ കൂടുതൽ സാങ്കേതിക പരിശോധനകൾക്കായി തുർക്കിയിലെ കെയ്‌സേരിയിലേക്ക് മാറ്റാനാണ് അധികൃതരുടെ തീരുമാനം. വിമാനം നിലത്ത് ഇടിക്കുന്നതിന് മുമ്പ് പിളർന്നത് “വിചിത്രം” ആണെന്ന് വ്യോമയാന വിദഗ്ധർ അഭിപ്രായപ്പെടുന്നു.

അമേരിക്കൻ കമ്പനിയായ ലോക്ക്ഹീഡ് മാർട്ടിൻ (Lockheed Martin) നിർമ്മിച്ച സി-130 ഹെർക്കുലീസ് വിമാനം, ദീർഘകാലമായി സർവീസ് ചെയ്യുന്നതും ലോകത്തിലെ ഏറ്റവും വൈവിധ്യമാർന്നതുമായ സൈനിക ട്രാൻസ്പോർട്ട് വിമാനങ്ങളിൽ ഒന്നാണ്.

English Summary:

Turkey C-130 crash happened at Georgia-Azerbaijan border in a recent accident. The Turkish military plane crash is under investigation to determine the cause and the plane was carrying twenty military personnel who lost their lives in the accident.

Defence Sector

Dornier Aircraft

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com