ഇറാനെ ആക്രമിക്കുന്നതിന് ‘നോ’ പറഞ്ഞോ സൈനിക മേധാവി? ആരാണ് ട്രംപിന്റെ വിശ്വസ്തനായ ജനറൽ ഡാൻ കെയ്ൻ?

ഇറാനുമായുള്ള യുദ്ധസാധ്യതകൾ വർധിക്കുന്നതിനിടെ, അമേരിക്കൻ പ്രസിഡന്റ് ട്രംപിന്റെ വിശ്വസ്തനും ജോയിന്റ് ചീഫ്സ് ഓഫ് സ്റ്റാഫ് ചെയർമാനുമായ ജനറൽ ഡാൻ കെയ്നിന്റെ (Dan Caine) പേര് രാജ്യാന്തര മാധ്യമങ്ങളിൽ നിറയുകയാണ്. ഇറാനുമായുള്ള ഏറ്റുമുട്ടലിനെ കെയ്ൻ എതിർത്തുവെന്ന റിപ്പോർട്ടുകൾ ട്രംപ് തള്ളിക്കളഞ്ഞതോടെയാണ് ഇദ്ദേഹം വീണ്ടും വാർത്തകളിൽ ഇടംപിടിക്കുന്നത്. ട്രംപിന്റെ ഏറ്റവും അടുത്ത വിശ്വസ്തനായി അറിയപ്പെടുന്ന കെയ്ൻ, ഇറാനുമായുള്ള നേരിട്ടുള്ള ഏറ്റുമുട്ടൽ അമേരിക്കയ്ക്ക് “താങ്ങാനാവില്ല” എന്ന് മുന്നറിയിപ്പ് നൽകിയതായാണ് രാജ്യാന്തര മാധ്യമങ്ങൾ റിപ്പോർട്ട് ചെയ്തിരുന്നത്.

ആകാശത്തെ ‘അദൃശ്യ’ വജ്രായുധം; ഇന്ത്യയുടെ യുദ്ധവിമാനങ്ങളിൽ ഇനി ഇസ്രയേലിന്റെ ‘ഗോൾഡൻ ഹൊറൈസൺ’?

ആരാണ് ജനറൽ ഡാൻ കെയ്ൻ?

അമേരിക്കൻ വ്യോമസേനയിലെ വിരമിച്ച ലഫ്റ്റനന്റ് ജനറലും (Retired Lt. Gen) മുൻ ഫൈറ്റർ പൈലറ്റുമാണ് ഡാൻ കെയ്ൻ.

ADVERTISEMENT

9/11 ലെ ഹീറോ: 2001 സെപ്റ്റംബർ 11ലെ ഭീകരാക്രമണത്തിന് തൊട്ടുപിന്നാലെ വാഷിംഗ്ടൺ ഡി.സിയുടെ ആകാശസുരക്ഷ ഉറപ്പാക്കാൻ പറന്നുയർന്ന F-16 യുദ്ധവിമാനങ്ങളിലെ പൈലറ്റുമാരിൽ ഒരാളായിരുന്നു കെയ്ൻ. 150-ലധികം മണിക്കൂർ കോംബാറ്റ് ഫ്ലൈയിങ് (Combat flying) നടത്തിയ അനുഭവപരിചയം അദ്ദേഹത്തിനുണ്ട്.

ഐസിസിനെതിരായ പോരാട്ടം: 2018-2019 കാലഘട്ടത്തിൽ ഇറാഖിലും സിറിയയിലും ഐസിസിനെതിരെ (ISIS) നടന്ന സൈനിക നീക്കങ്ങളുടെ ഡെപ്യൂട്ടി കമാൻഡറായി അദ്ദേഹം പ്രവർത്തിച്ചിട്ടുണ്ട്.

സിഐഎ ബന്ധം: 2021 മുതൽ 2024 വരെ സിഐഎയുടെ (CIA) മിലിട്ടറി അഫയേഴ്സ് അസോസിയേറ്റ് ഡയറക്ടറായും സേവനമനുഷ്ഠിച്ചു.

ADVERTISEMENT

ബിസിനസ് രംഗത്തും സജീവം: വിരമിച്ച ശേഷം വെഞ്ച്വർ ക്യാപിറ്റൽ സ്ഥാപനങ്ങളിലും വോയേജർ (Voyager) എന്ന ബഹിരാകാശ പര്യവേഷണ കമ്പനിയിലും ഉപദേശക സമിതി അംഗമായിരുന്നു. ‘സീരിയൽ എന്റർപ്രണർ’ എന്നാണ് അദ്ദേഹത്തിന്റെ ബയോഗ്രഫിയിൽ വിശേഷിപ്പിക്കുന്നത്.

What you should read next

സുന്ദർ പിച്ചൈയുടെ വമ്പന്‍ പ്രഖ്യാപനം; സമുദ്ര കേബിൾ ശൃംഖല, 1,500 കോടി ഡോളറിന്റെ ഡാറ്റ സെന്ററും ഇന്ത്യയിൽ!

വിവാദവും ട്രംപിന്റെ മറുപടിയും

ഇറാനുമായുള്ള യുദ്ധത്തെ കെയ്ൻ ഭയപ്പെടുന്നുവെന്നും എതിർക്കുന്നുവെന്നുമുള്ള വാർത്തകൾ “100% തെറ്റാണെന്ന്” ട്രംപ് വ്യക്തമാക്കി. “മറ്റെല്ലാവരെയും പോലെ കെയ്നും യുദ്ധം ആഗ്രഹിക്കുന്നില്ല. എന്നാൽ സൈനികമായി ഒരു ഏറ്റുമുട്ടൽ ഉണ്ടായാൽ അത് അമേരിക്കയ്ക്ക് ‘എളുപ്പത്തിൽ ജയിക്കാൻ’ കഴിയുമെന്നാണ് അദ്ദേഹത്തിന്റെ അഭിപ്രായം,” ട്രംപ് ട്രൂത്ത് സോഷ്യലിൽ കുറിച്ചു. വിരമിച്ച കെയ്നിനെ ആക്ടീവ് സർവീസിലേക്ക് തിരികെ കൊണ്ടുവന്ന്, ഫോർ സ്റ്റാർ ജനറൽ പദവി നൽകിയാണ് ട്രംപ് ജോയിന്റ് ചീഫ്സ് ചെയർമാനായി നിയമിച്ചത്.

ADVERTISEMENT

കെയ്ൻ യുദ്ധത്തിന് എതിരല്ല, മറിച്ച് ഇറാനെപ്പോലൊരു രാജ്യത്തെ നേരിടുമ്പോൾ വേണ്ടത്ര തയ്യാറെടുപ്പില്ലാതെ എടുത്തുചാടുന്നത് അപകടമാണെന്ന നിലപാടാണ് അദ്ദേഹം സ്വീകരിച്ചിരിക്കുന്നത്. ട്രംപിന്റെ പെട്ടെന്നുള്ള തീരുമാനങ്ങളെ അദ്ദേഹം ചോദ്യം ചെയ്യുന്നു എന്നതാണ് പ്രധാന വിവാദം.