By admin 
അടുത്ത അഞ്ച് വർഷത്തിനുള്ളിൽ കേരളം കൈവരിക്കേണ്ട സാങ്കേതിക വളർച്ചയുടെ രൂപരേഖ തയ്യാറാക്കാൻ ലോകമെമ്പാടുമുള്ള ടെക് വിദഗ്ധർ വീണ്ടും കൊച്ചിയിലെത്തുന്നു. മനോരമ ഓൺലൈൻ സംഘടിപ്പിക്കുന്ന പ്രമുഖ ഡിജിറ്റൽ ഉച്ചകോടി ‘ടെക്സ്പെക്റ്റേഷൻസ് 2026’ ഫെബ്രുവരി 27-ന് കൊച്ചിയിലെ ക്രൗൺ പ്ലാസയിൽ നടക്കും.‘ക്രിസ്റ്റൽ ബോളിങ് 2030’ (Crystal Balling 2030) എന്ന പ്രമേയത്തിലാണ് ഇത്തവണ ടെക് ഉച്ചകോടി ഒരുങ്ങുന്നത്. റജിസ്ട്രേഷനും കൂടുതൽ വിവരങ്ങൾക്കും https://www.techspectations.com/ സന്ദർശിക്കുക
മാറ്റത്തിന്റെ പത്ത് വർഷങ്ങൾ
2016-ൽ ആരംഭിച്ച ടെക്സ്പെക്റ്റേഷൻസ് ഇന്ന് കേരളത്തിലെ ഏറ്റവും വലിയ ടെക് കോൺക്ലേവുകളിൽ ഒന്നാണ്. പത്താം വർഷത്തിലെത്തുമ്പോൾ കേവലം ചർച്ചകൾക്കപ്പുറം, ആർട്ടിഫിഷ്യൽ ഇന്റലിജൻസ്, ഹെൽത്ത് ടെക്, വിനോദ മേഖലയിലെ മാറ്റങ്ങൾ, സ്റ്റാർട്ടപ്പ് നിക്ഷേപം തുടങ്ങിയവയിൽ പ്രായോഗികമായ കർമ്മപദ്ധതികൾ രൂപീകരിക്കുകയാണ് ലക്ഷ്യം.സാങ്കേതികവിദ്യ സമൂഹത്തിലും സമ്പദ്വ്യവസ്ഥയിലും വരുത്തുന്ന മാറ്റങ്ങളെ മുൻകൂട്ടി കാണാനും അതിനനുസരിച്ച് നയങ്ങൾ രൂപീകരിക്കാനും ഈ വേദി സഹായിക്കുന്നു.
ആർക്കൊക്കെ പങ്കെടുക്കാം?
സ്റ്റാർട്ടപ് സ്ഥാപകർ, നിക്ഷേപകർ, സോഫ്റ്റ്വെയർ ഡവലപ്പർമാർ, നയരൂപകർത്താക്കൾ, വിദ്യാർഥികൾ, ടെക്നോക്രാറ്റുകൾ തുടങ്ങി സാങ്കേതിക മേഖലയിൽ താൽപ്പര്യമുള്ള ഏവർക്കും ഈ പ്ലാറ്റ്ഫോം പ്രയോജനപ്പെടുത്താം. നെറ്റ്വർക്കിങ് ലോഞ്ചുകൾ, പുതിയ ആശയങ്ങൾ അവതരിപ്പിക്കാനുള്ള വേദിഎന്നിവ ഉച്ചകോടിയുടെ ഭാഗമായി ഒരുക്കിയിട്ടുണ്ട്.കൂടുതൽ വിവരങ്ങൾക്കും റജിസ്ട്രേഷനുമായി www.techspectations.com സന്ദർശിക്കുക.