കുറഞ്ഞ ചിലവിൽ പ്രീമിയം അനുഭവം: നോവ സീരീസ് സ്മാർട്ഫോണുകളും പൾസ് ടാബുമായി എഐ പ്ലസ് വിപണിയിലേക്ക്

ഇന്ത്യൻ ടെക് ബ്രാൻഡായ എഐ പ്ലസ് സ്മാർട്ട്‌ഫോൺഏറ്റവും പുതിയ ‘നോവ’ (Nova) സീരീസ് സ്മാർട്ട്‌ഫോണുകൾ വിപണിയിൽ അവതരിപ്പിച്ചു. മൂന്ന് പുതിയ 5G ഫോണുകൾക്ക് പുറമെ ബ്രാൻഡിന്റെ ആദ്യ ടാബ്‌ലെറ്റായ പൾസ് ടാബ് (PulseTab), പുതിയ ഓഡിയോ ഉൽപ്പന്നങ്ങൾ, വെയറബിൾസ് എന്നിവയും കമ്പനി പുറത്തിറക്കി. ലളിതമായ ഉപയോഗം, സ്വകാര്യത, താങ്ങാനാവുന്ന വില എന്നിവ മുൻനിർത്തിയാണ് ഈ ഉൽപ്പന്നങ്ങൾ രൂപകൽപ്പന ചെയ്തിരിക്കുന്നത്.

ചന്ദ്രനെ വലംവച്ച ആദ്യ മനുഷ്യർ ,ചരിത്രമെഴുതിയ അപ്പോളോ 8; അന്ന് വിയറ്റ്നാം യുദ്ധം, ഇന്ന് ഇറാൻ ആക്രമണം…

നോവ സീരീസ്: കരുത്തും ഡിസൈനും ഒത്തുചേരുന്നു

മൂന്ന് വ്യത്യസ്ത വിഭാഗങ്ങളിലായാണ് നോവ സീരീസ് എത്തുന്നത്:

നോവ 2 (Nova 2): സാധാരണക്കാർക്ക് അനുയോജ്യമായ ഈ ഫോണിൽ 50എംപി ക്യാമറ, 6000എംഎഎച്ച് ബാറ്ററി, 120Hz ഡിസ്‌പ്ലേ എന്നിവയുണ്ട്. അഞ്ച് ആകർഷകമായ നിറങ്ങളിൽ ലഭ്യമാകുന്ന ഇതിന്റെ വില ആരംഭിക്കുന്നത് 8,999 രൂപ മുതലാണ്. ഏപ്രിൽ 14 മുതൽ വിൽപന ആരംഭിക്കും.

നോവ 2 അൾട്രാ: കൂടുതൽ കരുത്താർന്ന പ്രകടനം ആഗ്രഹിക്കുന്നവർക്കായി മീഡിയടെക് ഡൈമെൻസിറ്റി 7400 ചിപ്‌സെറ്റ്, സോണി IMX752 സെൻസറോട് കൂടിയ 50MP OIS ക്യാമറ എന്നിവ ഇതിൽ ഉൾപ്പെടുത്തിയിട്ടുണ്ട്. ഡൈനാമിക് ലൈറ്റിംഗ് ഫീച്ചറുള്ള ഇതിന്റെ വില 14,999 രൂപ മുതലാണ്. ഏപ്രിൽ 17നാണ് ലോഞ്ച്.

ADVERTISEMENT

നോവ ഫ്ലിപ്പ് (Nova Flip): സ്റ്റൈലിഷ് ലുക്ക് ആഗ്രഹിക്കുന്നവർക്കായി ഒരുക്കിയ ഫോൾഡബിൾ ഫോണാണിത്. 6.9 ഇഞ്ച് അമോലെഡ് ഡിസ്‌പ്ലേയുള്ള ഈ ഫോൺ മേയ് മാസത്തിൽ ₹29,999 വിലയിൽ വിപണിയിലെത്തും.

What you should read next

ഗൂഗിൾ പേയിലെ പുതിയ ‘പോക്കറ്റ് മണി’ കൊടും ഭീകരനാണോ! എന്താണ് യുപിഐ സർക്കിൾ?

പൾസ് ടാബ് (PulseTab)

ടാബ്‌ലെറ്റ് വിപണിയിലേക്കും Ai+ ചുവടുവെച്ചു. 10.95 ഇഞ്ച് FHD ഡിസ്‌പ്ലേ, ക്വാഡ് സ്പീക്കറുകൾ, 8000mAh ബാറ്ററി എന്നിവയാണ് പൾസ് ടാബിന്റെ പ്രത്യേകതകൾ. 9,999 രൂപ വിലയുള്ള ഈ ടാബ്‌ലെറ്റ് മേയ് മാസം മുതൽ ഫ്ലിപ്കാർട്ടിലും റീട്ടെയിൽ ഔട്ട്‌ലെറ്റുകളിലും ലഭ്യമാകും.

പുതിയ ഇക്കോസിസ്റ്റം ഉൽപ്പന്നങ്ങൾ

ഫോണുകൾക്ക് പുറമെ മികച്ച ഓഡിയോ, സ്മാർട്ട് വാച്ച് ഉൽപ്പന്നങ്ങളും കമ്പനി പരിചയപ്പെടുത്തി:

ADVERTISEMENT

നോവപോഡ് ബീറ്റ്‌സ് (NovaPod Beats): ഹൃദയമിടിപ്പ് അളക്കാൻ കഴിയുന്ന ഫീച്ചറുള്ള ഹെഡ്‌സെറ്റ് (വില: 1,599).

നോവപോഡ്സ് എയർ (NovaPods Air): 22 മണിക്കൂർ പ്ലേബാക്ക് നൽകുന്ന ഇയർബഡ്‌സ് (വില: 899).

റൊട്ടേറ്റ്ക്യാം 4G (RotateCam 4G): തിരിക്കാൻ കഴിയുന്ന ക്യാമറയും സിം സപ്പോർട്ടുമുള്ള സ്മാർട്ട് വാച്ച് (വില: 4,999).

അമ്പിളിമാമനെ തൊട്ട് ആർട്ടെമിസ് മടങ്ങുന്നു: ഇനി പസഫിക്കിൽ ആവേശക്കടലായി ‘സ്‌പ്ലാഷ് ഡൗൺ!’

സുരക്ഷിതമായ NxtQuantum OS

NxtQuantum OS-ലാണ് (ആൻഡ്രോയിഡ് 16 അധിഷ്ഠിതം) ഈ ഉപകരണങ്ങൾ പ്രവർത്തിക്കുന്നത്. ഉപയോക്താക്കളുടെ സ്വകാര്യതയ്ക്ക് മുൻഗണന നൽകുന്നതിനായി ‘NxtPrivacy Dashboard’ ഇതിൽ ഉൾപ്പെടുത്തിയിട്ടുണ്ട്.

ADVERTISEMENT

“മികച്ച സാങ്കേതികവിദ്യ വിട്ടുവീഴ്ചകളില്ലാതെ എല്ലാവരിലേക്കും എത്തിക്കുക എന്നതാണ് ഞങ്ങളുടെ ലക്ഷ്യം,” എന്ന് Ai+ സ്മാർട്ട്‌ഫോൺ സിഇഒ മാധവ് ഷേത്ത് ലോഞ്ച് വേളയിൽ പറഞ്ഞു.

ഫ്ലിപ്കാർട്ട് വഴിയും പ്രമുഖ റീട്ടെയിൽ ഷോപ്പുകൾ വഴിയും ഉപഭോക്താക്കൾക്ക് ഈ ഉൽപ്പന്നങ്ങൾ സ്വന്തമാക്കാം.