‘പ്രഹാർ’:ഭീകരതയ്ക്ക് ഇനി അതിരുകളില്ലാത്ത മറുപടി;ഡിജിറ്റൽ ഭീഷണികൾക്കും സ്ലീപ്പർ സെല്ലുകൾക്കും പൂട്ടിടും!

രാജ്യത്തെ ആദ്യത്തെ സമഗ്ര തീവ്രവാദ വിരുദ്ധ നയമായ ‘പ്രഹാർ’ (PRAHAAR) കേന്ദ്ര ആഭ്യന്തര മന്ത്രാലയം പുറത്തിറക്കി. അതിർത്തി കടന്നുള്ള പരമ്പരാഗത ഭീകരവാദത്തിന് പുറമെ, സൈബർ ആക്രമണങ്ങൾ, ഡ്രോണുകളുടെ ദുരുപയോഗം, ഡിജിറ്റൽ സാമ്പത്തിക കുറ്റകൃത്യങ്ങൾ തുടങ്ങിയ ആധുനിക ഭീഷണികളെ നേരിടാൻ ലക്ഷ്യമിട്ടുള്ളതാണ് പുതിയ നയം. തീവ്രവാദത്തിന് മതമോ ദേശീയതയോ സമുദായമോ ഇല്ലെന്നും, അക്രമങ്ങളെ ഒരു കാരണവശാലും ന്യായീകരിക്കാൻ കഴിയില്ലെന്നുമുള്ള ഇന്ത്യയുടെ ‘സീറോ ടോളറൻസ്’ നയം അടിവരയിടുന്നതാണ് പ്രഹാർ.

‘സുനിത വില്യംസിന് സംഭവിച്ചത് കൽപന ചൗളയുടേതിന് സമാനമായ ദുരന്തം’; ‘എ’ ക്ലാസില്‍പ്പെടുത്തി നാസ, ഞെട്ടലിൽ ശാസ്ത്രലോകം

എന്താണ് ‘പ്രഹാർ’ (PRAHAAR)?

തീവ്രവാദ പ്രവർത്തനങ്ങളെ പ്രതിരോധിക്കുന്നതിനായി 7 അടിസ്ഥാന തത്വങ്ങളെ മുൻനിർത്തിയാണ് ഈ പേര് രൂപീകരിച്ചിരിക്കുന്നത്:

P – Prevention: പൗരന്മാരെ സംരക്ഷിക്കാൻ ഭീകരാക്രമണങ്ങൾ തടയുക.

R – Responses: ഭീഷണികൾക്കെതിരെ വേഗത്തിൽ പ്രതികരിക്കുക.

A – Aggregating: സർക്കാരിന്റെ എല്ലാ വിഭാഗങ്ങളെയും സംയോജിപ്പിച്ച് ആഭ്യന്തര സുരക്ഷാ ശേഷി വർദ്ധിപ്പിക്കുക.

ADVERTISEMENT

H – Human rights: മനുഷ്യാവകാശങ്ങൾക്കും നിയമവാഴ്ചയ്ക്കും മുൻഗണന നൽകുക.

A – Attenuating: തീവ്രവൽക്കരണ (Radicalization) സാഹചര്യങ്ങൾ ഇല്ലാതാക്കുക.

A – Aligning: തീവ്രവാദത്തെ ചെറുക്കാനുള്ള അന്താരാഷ്ട്ര ശ്രമങ്ങളെ പിന്തുണയ്ക്കുക.

R – Recovery: ഭീകരാക്രമണങ്ങളെ സമൂഹത്തിന്റെ ഒത്തൊരുമയോടെ വേഗത്തിൽ അതിജീവിക്കുക.

Image Credit: Canva

ഡിജിറ്റൽ ഭീഷണികൾക്കും സ്ലീപ്പർ സെല്ലുകൾക്കും പൂട്ടിടും

അൽ ഖ്വയ്ദ, ഐഎസ്ഐഎസ് (ISIS) തുടങ്ങിയ ആഗോള ഭീകരസംഘടനകൾ രാജ്യത്ത് സ്ലീപ്പർ സെല്ലുകൾ വഴി സ്വാധീനമുറപ്പിക്കാൻ ശ്രമിക്കുന്നത് നയം ചൂണ്ടിക്കാണിക്കുന്നു. ഡ്രോണുകൾ, റോബട്ടിക്സ്, ക്രിപ്റ്റോ കറൻസികൾ, ഡാർക്ക് വെബ്, എൻക്രിപ്റ്റഡ് മെസ്സേജിങ് ആപ്പുകൾ എന്നിവ ഉപയോഗിച്ചുള്ള പ്രവർത്തനങ്ങൾ രാജ്യ സുരക്ഷയ്ക്ക് വലിയ ഭീഷണിയാണ്. രാസ, ജൈവ, ആണവ (CBRNED) ആയുധങ്ങൾ ഭീകരരുടെ കൈകളിൽ എത്താതിരിക്കാൻ ഏജൻസികൾ കർശന നിരീക്ഷണം ഏർപ്പെടുത്തും.

ADVERTISEMENT

തീവ്രവൽക്കരണത്തിന് തടയിടും

യുവാക്കളെ തീവ്രവാദത്തിലേക്ക് ആകർഷിക്കുന്നത് തടയാൻ സമൂഹത്തിലെ മതനേതാക്കൾ, സമുദായ നേതാക്കൾ, എൻ.ജി.ഒകൾ എന്നിവരുടെ സഹായത്തോടെ ബോധവൽക്കരണം നടത്തും. തീവ്രവൽക്കരണത്തിന്റെ തോത് അനുസരിച്ചാകും ഇവർക്കെതിരെ നിയമനടപടികൾ സ്വീകരിക്കുക. ദാരിദ്ര്യവും തൊഴിലില്ലായ്മയും ഭീകരർ ചൂഷണം ചെയ്യാതിരിക്കാൻ വിദ്യാഭ്യാസ, തൊഴിൽ പദ്ധതികൾ ജനങ്ങളിലെത്തിക്കും. ജയിലുകൾക്കുള്ളിൽ വച്ച് തടവുകാർക്കിടയിൽ തീവ്രവൽക്കരണം നടക്കുന്നത് തടയാൻ പ്രത്യേക ജാഗ്രത പുലർത്തും.

What you should read next

സുന്ദർ പിച്ചൈയുടെ വമ്പന്‍ പ്രഖ്യാപനം; സമുദ്ര കേബിൾ ശൃംഖല, 1,500 കോടി ഡോളറിന്റെ ഡാറ്റ സെന്ററും ഇന്ത്യയിൽ!

ആക്രമണമുണ്ടായാൽ ആദ്യമെത്തുക ലോക്കൽ പോലീസ്

ഒരു ഭീകരാക്രമണം ഉണ്ടായാൽ ആദ്യം പ്രതികരിക്കേണ്ടത് (First responders) ലോക്കൽ പോലീസായിരിക്കും. ഇവർക്ക് സഹായമായി നാഷണൽ സെക്യൂരിറ്റി ഗാർഡ് (NSG), എൻഐഎ (NIA), മറ്റ് കേന്ദ്ര-സംസ്ഥാന ഭീകരവിരുദ്ധ സേനകൾ എന്നിവയുണ്ടാകും. അന്വേഷണം എൻഐഎയും സംസ്ഥാന പോലീസും സംയുക്തമായി നടത്തും. ഊർജ്ജം, വ്യോമയാനം, റെയിൽവേ, ബഹിരാകാശം തുടങ്ങി തന്ത്രപ്രധാന മേഖലകളുടെ സുരക്ഷ വർദ്ധിപ്പിക്കും.

പുതിയ ക്രിമിനൽ നിയമങ്ങളും യുഎപിഎയും

പുതിയ ക്രിമിനൽ നിയമങ്ങളായ ഭാരതീയ ന്യായ സംഹിത (BNS), ഭാരതീയ നാഗരിക് സുരക്ഷാ സംഹിത (BNSS) എന്നിവയ്ക്ക് പുറമെ യുഎപിഎ (UAPA), പിഎംഎൽഎ (PMLA) പോലുള്ള കർശന നിയമങ്ങൾ ഉപയോഗിച്ചാകും കുറ്റവാളികൾക്കെതിരെ നിയമനടപടികൾ സ്വീകരിക്കുക. എഫ്.ഐ.ആർ രജിസ്റ്റർ ചെയ്യുന്നത് മുതൽ പ്രോസിക്യൂഷൻ വരെയുള്ള എല്ലാ ഘട്ടങ്ങളിലും നിയമവിദഗ്ദ്ധരുടെ സേവനം ഉറപ്പാക്കുമെന്നും ആഭ്യന്തര മന്ത്രാലയം വ്യക്തമാക്കി.

ADVERTISEMENT