എക്സൻഡറില്ലാത്ത വിഷമം തീർക്കാൻ വാട്സാപ്പെത്തുന്നു, ഇന്റർനെറ്റില്ലെങ്കിലും പേടിക്കണ്ട…

ഉപയോക്താക്കൾക്ക് കിടിലൻ ഫീച്ചർ അവതരിപ്പിക്കാനൊരുങ്ങി വാട്സാപ്പ്. ഇന്റർനെറ്റില്ലാതെയും ഫോട്ടോകളും ഫയലുകളും സെൻഡ് ചെയ്യാൻ സാധിക്കുന്ന ‘പീപ്പിൾ നിയർബൈ’ ഫീച്ചറാണ് വാട്സാപ്പ് അവതരിപ്പിക്കാനൊരുങ്ങുന്നത്. പുതിയ ആൻഡ്രോയ്ഡ് പതിപ്പിൽ ഈ ഫീച്ചർ ഉണ്ടാകുമെന്നാണ് വിവരം.

എക്സൻഡർ, ഷെയർ ഇറ്റ് തുടങ്ങിയ ആപ്പുകളിലൂടെയായിരുന്നു നേരത്തെ പലരും വലിയ ഫയലുകൾ കൈമാറ്റം ചെയ്തിരുന്നത്. എന്നാൽ സുരക്ഷാ പ്രശ്നം മുൻനിർത്തി ഇവ രാജ്യത്ത് നിരോധിച്ചതോടെ പലരും ഫയൽ കൈമാറ്റം ടെലഗ്രാമിലേക്ക് മാറ്റിയിരുന്നു. എന്നാൽ ടെലഗ്രാമിന് ഇന്റർനെറ്റ് അത്യാവശ്യമായിരുന്നു. വാട്സാപ്പിന്റെ പുതിയ ഫീച്ചർ ഇന്റർനെറ്റ് ഇല്ലാതെയും ഉപയോഗിക്കാൻ സാധിക്കുമെന്നാണ് വാട്സാപ്പ് പുതിയ ഫീച്ചറുകളെക്കുറിച്ച് റിപ്പോർട്ട് ചെയ്യുന്ന വാബീറ്റ ഇൻഫോ റിപ്പോർട്ട് ചെയ്യുന്നത്.

Content retrieved from: https://www.mathrubhumi.com/technology/news/whatsapp-to-introduce-people-nearby-feature-1.10006379.