അഫ്ഗാൻ അതിർത്തിയിൽ വ്യോമാക്രമണം: ലക്ഷ്യം ഫിത്ന അൽ ഖവാരിജെന്ന് പാക്കിസ്ഥാൻ, പ്രത്യാഘാതം എന്ത്?

പാക്കിസ്ഥാനും അഫ്ഗാനിസ്ഥാനും തമ്മിലുള്ള അതിർത്തി തർക്കങ്ങൾ പുതിയൊരു യുദ്ധസമാനമായ സാഹചര്യത്തിലേക്ക് കടക്കുകയാണ്. അഫ്ഗാനിസ്ഥാനിലെ നംഗർഹാർ, പക്തിക പ്രവിശ്യകളിൽ പാക്കിസ്ഥാൻ സൈന്യം നടത്തിയ വ്യോമാക്രമണങ്ങളാണ് നിലവിലെ സുരക്ഷാ പ്രതിസന്ധിക്ക് കാരണം. ഈ സംഭവത്തിൽ ഇരു രാജ്യങ്ങളും ഉന്നയിക്കുന്ന വാദങ്ങൾ പരസ്പരവിരുദ്ധമാണ്.

‘സുനിത വില്യംസിന് സംഭവിച്ചത് കൽപന ചൗളയുടേതിന് സമാനമായ ദുരന്തം’; ‘എ’ ക്ലാസില്‍പ്പെടുത്തി നാസ, ഞെട്ടലിൽ ശാസ്ത്രലോകം

പരസ്പരവിരുദ്ധമായ വാദങ്ങൾ

പാക്കിസ്ഥാന്റെ വാദം: റംസാൻ കാലത്ത് ഇസ്ലാമാബാദ്, ബജൗർ, ബന്നു എന്നിവിടങ്ങളിൽ സുരക്ഷാ സേനയ്ക്ക് നേരെ നടന്ന മാരകമായ ചാവേർ ആക്രമണങ്ങൾക്ക് മറുപടിയായാണ് ഈ സൈനിക നീക്കം എന്നാണ് പാക് സൈന്യത്തിന്റെ വിശദീകരണം. തങ്ങളുടെ ലക്ഷ്യം ‘ഫിത്ന അൽ ഖവാരിജ്’ (FAK)(പാക്കിസ്ഥാൻ വിളിക്കുന്നത്), ദാഇഷ് ഖൊറാസാൻ (ISKP) എന്നീ സംഘടനകളുടെ 7 ഒളിത്താവളങ്ങളായിരുന്നുവെന്ന് അവർ അവകാശപ്പെടുന്നു. കൃത്യമായ ഇന്റലിജൻസ് വിവരങ്ങളുടെ അടിസ്ഥാനത്തിൽ നടത്തിയ പ്രിസിഷൻ സ്ട്രൈക്കുകൾ ആയിരുന്നു ഇതെന്നാണ് ഇസ്ലാമബാദിന്റെ ഔദ്യോഗിക നിലപാട്.

ADVERTISEMENT

അഫ്ഗാൻ ഭരണകൂടത്തിന്റെ നിലപാട് : പാക്കിസ്ഥാൻ ലക്ഷ്യമിട്ടത് സാധാരണക്കാരായ പൗരന്മാരെയാണെന്ന് അഫ്ഗാൻ സർക്കാർ വക്താവ് ആരോപിക്കുന്നു. നംഗർഹാറിലെ ബെഹ്സൂദ് ജില്ലയിൽ ഒരു സാധാരണക്കാരന്റെ വീടിനുനേരെ നടന്ന ആക്രമണത്തിൽ ഒരു കുടുംബത്തിലെ 23 പേർ കെട്ടിടാവശിഷ്ടങ്ങൾക്കിടയിൽ കുടുങ്ങിയതായും, ഇതിൽ സ്ത്രീകളും കുട്ടികളുമടക്കം നിരവധി പേർ കൊല്ലപ്പെട്ടതായും അഫ്ഗാൻ അധികൃതർ വ്യക്തമാക്കുന്നു. പാക് ജനറൽമാർ തങ്ങളുടെ ആഭ്യന്തര സുരക്ഷാ വീഴ്ചകൾ മറച്ചുവെക്കാൻ നടത്തുന്ന തന്ത്രമാണിതെന്നാണ് അഫ്ഗാൻ പക്ഷം കുറ്റപ്പെടുത്തുന്നത്.

What you should read next

അരനൂറ്റാണ്ടിനുശേഷം വീണ്ടും ചന്ദ്രനരികിലേക്ക്!;ചരിത്രയാത്രയിൽ മാറ്റുരയ്ക്കാൻ നാല് വിസ്മയ മനുഷ്യർ, എപ്പോഴാണെന്നറിയാം

എന്താണ് ഫിത്ന അൽ ഖവാരിജ് (FAK)?

പാക്കിസ്ഥാൻ സർക്കാരും സൈന്യവുംതെഹ്‌രീക്-ഇ-താലിബാൻ പാക്കിസ്ഥാൻ (TTP)-യെ വിശേഷിപ്പിക്കാൻ അടുത്ത കാലത്തായി ഉപയോഗിക്കുന്ന പുതിയ പേരാണ് ‘ഫിത്ന അൽ ഖവാരിജ്’ .ഭരണകൂടത്തിനെതിരെ കലാപം നടത്തിയ ആദ്യകാല വിമതവിഭാഗമാണ് ‘ഖവാരിജുകൾ’.അഫ്ഗാൻ താലിബാന്റെ രഹസ്യ പിന്തുണയോടെയാണ് TTP അഥവാ FAK പാക്കിസ്ഥാനിൽ ആക്രമണങ്ങൾ നടത്തുന്നതെന്നാണ് ഇസ്ലാമബാദിന്റെ പ്രധാന ആരോപണം.

അഫ്ഗാനിസ്ഥാനിലെ ഖോസ്കിൽ പാക്കിസ്ഥാൻ ആക്രമണം നടത്തിയപ്പോൾ(ഫയൽചിത്രം) (Photo : @ani_digital/x)

ADVERTISEMENT

ഈ സൈനിക നീക്കം എങ്ങോട്ട് നയിക്കും?

പാക്കിസ്ഥാൻ അതിർത്തി കടന്നുള്ള ആക്രമണങ്ങൾ പതിവാക്കുന്നത് അഫ്ഗാൻ താലിബാനെ പ്രകോപിപ്പിക്കും. ഇത് ഇരു രാജ്യങ്ങളുടെയും സൈന്യങ്ങൾ തമ്മിലുള്ള നിരന്തരമായ വെടിവെപ്പിലേക്കും അതിർത്തി അടച്ചിടുന്നതിലേക്കും നയിക്കാം. ഡ്യൂറൻഡ് ലൈൻ (Durand Line) ഇപ്പോൾ തന്നെ ലോകത്തിലെ ഏറ്റവും സങ്കീർണ്ണമായ അതിർത്തികളിൽ ഒന്നാണ്.തങ്ങളുടെ മണ്ണിൽ പാക് വിരുദ്ധ ഭീകരർക്ക് അഭയം നൽകിയിട്ടില്ലെന്ന വാദത്തിൽ അഫ്ഗാൻ ഭരണകൂടം ഉറച്ചുനിൽക്കുന്നു.

What you should read next

സുന്ദർ പിച്ചൈയുടെ വമ്പന്‍ പ്രഖ്യാപനം; സമുദ്ര കേബിൾ ശൃംഖല, 1,500 കോടി ഡോളറിന്റെ ഡാറ്റ സെന്ററും ഇന്ത്യയിൽ!

ഈ വ്യോമാക്രമണങ്ങൾക്ക് പ്രതികാരമായി TTP (FAK) പാക്കിസ്ഥാനിലെ നഗരങ്ങളിലും സൈനിക പോസ്റ്റുകളിലും കൂടുതൽ ചാവേർ ആക്രമണങ്ങൾ അഴിച്ചുവിടാൻ സാധ്യതയുണ്ട്. പാക്കിസ്ഥാൻ നിലവിൽ നേരിടുന്ന കടുത്ത സാമ്പത്തിക പ്രതിസന്ധിക്കിടയിൽ, ഒരു പുതിയ ആഭ്യന്തര യുദ്ധമുഖം തുറക്കുന്നത് അവരുടെ പ്രതിരോധ സംവിധാനങ്ങളെ വലിയ തോതിൽ സമ്മർദ്ദത്തിലാക്കും. ചുരുക്കത്തിൽ, ഇരു രാജ്യങ്ങളും വിട്ടുവീഴ്ചയ്ക്ക് തയ്യാറാകാത്ത സാഹചര്യത്തിൽ, അഫ്ഗാൻ-പാക് അതിർത്തി കൂടുതൽ അശാന്തമാകാനാണ് സാധ്യത.

ADVERTISEMENT