ജയിക്കാനുള്ള വെപ്രാളം സൃഷ്ടിക്കുന്ന ഡോപ്പമിനും,അപകടകാരിയാണ് ‘ടാസ്ക് ബേസ്ഡും’;അതൊരു ഡിജിറ്റൽ ടൈം ബോംബ്!

ഗാസിയാബാദിലെയും പൂനെയിലെയും ദാരുണ സംഭവങ്ങൾ നൽകുന്ന മുന്നറിയിപ്പ്: നമ്മുടെ കുട്ടികളുടെ കയ്യിലിരിക്കുന്നത് വെറുമൊരു സ്മാർട്ട്ഫോൺ മാത്രമല്ല, കൂടിയാകാമെന്നതാണ്. ഗാസിയാബാദിൽ നിന്ന് കേട്ട വാർത്ത ഏതൊരു രക്ഷിതാവിന്റെയും ഉള്ളുലയ്ക്കുന്നതായിരുന്നു.

മൂന്ന് സഹോദരിമാർ ആത്മഹത്യ ചെയ്തതിന് പിന്നിൽ ഓൺലൈൻ ഗെയിമിങ് അഡിക്ഷനാണെന്ന പൊലീസ് റിപ്പോർട്ട് വിരൽ ചൂണ്ടുന്നത് നമ്മുടെ വീടുകൾക്കുള്ളിലെ അരക്ഷിതാവസ്ഥയിലേക്കാണ്. ഇത് ഒറ്റപ്പെട്ട സംഭവമല്ല. 2024-ൽ പൂനെയിൽ “ലോഗ് ഔട്ട്” (Log Out) എന്നെഴുതിവെച്ച് പതിനഞ്ചുകാരൻ ജീവനൊടുക്കിയതും സമാനമായ സാഹചര്യത്തിലായിരുന്നു.

സിംകാർഡുകളിൽനിന്നും ലഭിച്ചത് 191 ഗ്രാം സ്വർണം; വിഡിയോ വൈറലായതോടെ പഴയ സിം തേടി ആളുകൾ, പക്ഷേ..

വിനോദത്തിന് വേണ്ടി തുടങ്ങുന്ന ഗെയിമുകൾ എങ്ങനെയാണ് കുട്ടികളെ മരണത്തിലേക്ക് നയിക്കുന്ന ‘സൈബർ കെണികൾ’ ആകുന്നത്? ഇതിന് തടയിടാൻ രക്ഷിതാക്കൾക്ക് എന്ത് ചെയ്യാൻ കഴിയും?

എന്താണ് സംഭവിക്കുന്നത്? ‘ഗെയിമിങ് ഡിസോർഡർ’ എന്ന വില്ലൻ

ADVERTISEMENT

കുട്ടികളെ സ്ക്രീനിന് മുന്നിൽ പിടിച്ചിരുത്താൻ പാകത്തിൽ തയ്യാറാക്കിയ ‘അൽഗോരിതങ്ങൾ’ ആണ് ഇന്നത്തെ പല ഗെയിമുകളും. തലച്ചോറിലെ ഡോപ്പമിൻഎന്ന രാസവസ്തുവിന്റെ ഉൽപ്പാദനം കൂട്ടി, ജയിക്കാനുള്ള വെപ്രാളം സൃഷ്ടിക്കുന്നു. എന്നാൽ ഇതിനേക്കാൾ അപകടകാരിയാണ് ‘ടാസ്ക് ബേസ്ഡ്’ (Task-based) ഗെയിമുകൾ.

ബ്ലൂ വെയ്‌ൽ പോലുള്ള ഗെയിമുകൾ നിരോധിക്കപ്പെട്ടെങ്കിലും, വ്യത്യസ്ത രൂപത്തിലും ഭാവത്തിലും ഡാർക്ക് വെബിലൂടെയും ഇൻസ്റ്റഗ്രാം ഗ്രൂപ്പുകളിലൂടെയും ഇത്തരം ‘ചലഞ്ചുകൾ’ കുട്ടികളിലെത്തുന്നുണ്ട്. പരാജയപ്പെട്ടാൽ ഭീഷണിപ്പെടുത്തുക, സ്വയം മുറിവേൽപ്പിക്കാൻ ആവശ്യപ്പെടുക തുടങ്ങിയവയാണ് ഇവയുടെ രീതി.

പരിഹാരം: ടെക്നോളജിയെ ‘ടെക്നോളജി’ കൊണ്ട് പൂട്ടാം

കുട്ടികളുടെ കൈകളിൽ നിന്ന് ഫോൺ പിടിച്ചുവാങ്ങുകയല്ല, മറിച്ച് അവർ ഉപയോഗിക്കുന്ന ഡിജിറ്റൽ ലോകത്തിന് അതിരുകൾ നിശ്ചയിക്കുകയാണ് വേണ്ടത്. ഇതിനായി താഴെ പറയുന്ന സാങ്കേതിക വിദ്യകൾ രക്ഷിതാക്കൾ നിർബന്ധമായും അറിഞ്ഞിരിക്കണം.

ഗൂഗിൾ ഫാമിലി ലിങ്ക് (Google Family Link) ആൻഡ്രോയിഡ് ഫോൺ നൽകുന്ന രക്ഷിതാക്കൾക്കുള്ള ഏറ്റവും മികച്ച ടൂളാണിത്. കുട്ടിയുടെ ഫോൺ പൂർണ്ണമായും നിങ്ങളുടെ ഫോണുമായി ബന്ധിപ്പിക്കാം.

ആപ്പ് ബ്ലോക്കിങ്: കുട്ടികൾക്ക് പ്ലേ സ്റ്റോറിൽ നിന്ന് ഏതെങ്കിലും ഗെയിം ഡൗൺലോഡ് ചെയ്യണമെങ്കിൽ രക്ഷിതാവിന്റെ ഫോണിൽ നോട്ടിഫിക്കേഷൻ വരും. നിങ്ങൾ ‘Approve’ ചെയ്താൽ മാത്രമേ അത് ഇൻസ്റ്റാൾ ആകൂ.

സ്ക്രീൻ ടൈം: ദിവസവും എത്ര മണിക്കൂർ ഗെയിം കളിക്കാം എന്ന് സെറ്റ് ചെയ്യാം. ആ സമയം കഴിഞ്ഞാൽ ഫോൺ താനേ ലോക്ക് ആകും.

റൂട്ടർ ലെവൽ ഫിൽറ്ററിങ്: കുട്ടികൾ മൊബൈൽ ഡാറ്റയല്ല, വീട്ടിലെ വൈഫൈ (Wi-Fi) ആണ് ഉപയോഗിക്കുന്നതെങ്കിൽ ഫോൺ വാങ്ങി നോക്കേണ്ട കാര്യമില്ല. റൂട്ടറിൽ തന്നെ സുരക്ഷയൊരുക്കാം.

ADVERTISEMENT

റൂട്ടറിന്റെ സെറ്റിംഗ്സിൽ ‘OpenDNS FamilyShield’ സെർവറുകൾ നൽകുക.ഇത് സെറ്റ് ചെയ്താൽ, വയലൻസ് (Violence), അശ്ലീലം, ആത്മഹത്യാ പ്രേരണ എന്നിവയുള്ള വെബ്സൈറ്റുകളും ഗെയിമിംഗ് സെർവറുകളും വീട്ടിലെ ഇന്റർനെറ്റിൽ ലോഡ് ആകില്ല.

ഐഫോണിലെ ‘കിൽ സ്വിച്ച്’ (iOS Restrictions) ഐഫോൺ ആണ് ഉപയോഗിക്കുന്നതെങ്കിൽ, ‘Settings > Screen Time > Content & Privacy Restrictions’ എന്ന ഓപ്ഷൻ ആക്റ്റിവേറ്റ് ചെയ്യുക. ഇതിൽ ‘Web Content Limit’ എന്നതിൽ ‘Adult Websites’ ബ്ലോക്ക് ചെയ്യുന്നതിനൊപ്പം, പ്രത്യേക കീവേഡുകൾ (ഉദാഹരണത്തിന്: Suicide, Challenge, Kill) ചേർത്താൽ അതുമായി ബന്ധപ്പെട്ട ഒരു ഗെയിമും കുട്ടിക്ക് തുറക്കാൻ കഴിയില്ല.

ഇൻ-ഗെയിം (In-Game) പാരന്റൽ കൺട്രോൾ BGMI, Free Fire പോലുള്ള ജനപ്രിയ ഗെയിമുകൾക്ക് അകത്ത് തന്നെ ഇപ്പോൾ പാരന്റൽ കൺട്രോൾ ഉണ്ട്. 18 വയസ്സിന് താഴെയുള്ള കുട്ടികൾക്ക് ദിവസത്തിൽ പരമാവധി 3 മണിക്കൂർ മാത്രമേ ഗെയിം കളിക്കാൻ സാധിക്കൂ എന്ന് ഇതിൽ സെറ്റ് ചെയ്യാം. ഗെയിമിംഗ് അക്കൗണ്ട് രജിസ്റ്റർ ചെയ്യുമ്പോൾ കുട്ടിയുടെ യഥാർത്ഥ വയസ്സ് നൽകുന്നുണ്ടെന്ന് ഉറപ്പുവരുത്തുക.

സേഫ് ഗെയിമിങ്: ഒരു പുതിയ സംസ്കാരം

ADVERTISEMENT

എല്ലാ ഗെയിമുകളും മോശമല്ല. അക്രമവും രക്തച്ചൊരിച്ചിലുമില്ലാത്ത, ചിന്താശേഷി വളർത്തുന്ന ‘സ്ട്രാറ്റജി ഗെയിമുകൾ’ (Strategy Games), സ്പോർട്സ് ഗെയിമുകൾ, പസിലുകൾ എന്നിവ കളിക്കാൻ കുട്ടികളെ പ്രോത്സാഹിപ്പിക്കുക.

ഓർക്കുക, സാങ്കേതികവിദ്യ വളരുകയാണ്. അതിനൊപ്പം നമ്മുടെ ജാഗ്രതയും വളരണം. ഗാസിയാബാദിലെ സംഭവം അവസാനത്തേതാകട്ടെ. നമ്മുടെ വീടിന്റെ ‘ഡിജിറ്റൽ അഡ്മിൻ’ ആകാൻ രക്ഷിതാക്കൾ തയ്യാറാകേണ്ട സമയമാണിത്.

ആകാശം ഭയാനകമായ ചോരച്ചുവപ്പ് നിറത്തിലേക്ക് മാറി; പടിവാതിലിൽ എത്തി സൗരക്കൊടുങ്കാറ്റ്, അപകടകരം?