ആണവ മിസൈലുകളിൽ ഇന്ധനത്തിന് പകരം വെള്ളം!വൻ അഴിമതി വിവരങ്ങൾ ചൈനയെ ഞെട്ടിക്കുന്നു, എന്താണ് സംഭവിക്കുന്നത്?

ചൈനീസ് പ്രസിഡന്റ് ഷി ജിൻപിങ് പ്രതിരോധ വിഭാഗത്തിൽ നടത്തുന്ന അസാധാരണമായ ശുദ്ധീകരണ നടപടികൾ ലോകശ്രദ്ധ നേടുന്നു. അഴിമതി ആരോപണങ്ങളെത്തുടർന്ന് ഉന്നത സൈനിക ഉദ്യോഗസ്ഥരെ പുറത്താക്കിയതിന് പിന്നാലെ, ചൈനയുടെ ആണവായുധ സുരക്ഷയെപ്പോലും ബാധിക്കുന്ന ഞെട്ടിക്കുന്ന വിവരങ്ങളാണ് പുറത്തുവരുന്നത്.

മിസൈലുകളിൽ വെള്ളം, തുറക്കാത്ത സൈലോകൾ!

8 MINUTES AGO

ആണവ മിസൈലുകളിൽ ഇന്ധനത്തിന് പകരം വെള്ളം!വൻ അഴിമതി വിവരങ്ങൾ ചൈനയെ ഞെട്ടിക്കുന്നു, എന്താണ് സംഭവിക്കുന്നത്?

23 MINUTES AGO

രക്തസാക്ഷിഫണ്ട് വിവാദം; കണക്കുപറയാമെന്ന് എം.വി.ഗോവിന്ദൻ; പെട്ടെന്നാകട്ടെയെന്ന് കുഞ്ഞിക്കൃഷ്ണൻ

26 MINUTES AGO

സ്വർണവില വീണ്ടും ഇടിയുന്നു; പവന് 1000 രൂപയിലധികം വീഴ്ച, രാജ്യാന്തര വിപണിയിൽ കനത്ത ചാഞ്ചാട്ടം

ചൈനീസ് റോക്കറ്റ് ഫോഴ്സിലെ ഉന്നത ഉദ്യോഗസ്ഥരെ കൂട്ടത്തോടെ പുറത്താക്കിയതിന് പിന്നിൽ കേവലം സാമ്പത്തിക അഴിമതി മാത്രമല്ലെന്ന് യുഎസ് രഹസ്യാന്വേഷണ റിപ്പോർട്ടുകൾ സൂചിപ്പിക്കുന്നു. ചൈനയുടെ ചില ആണവ മിസൈലുകളിൽ ഇന്ധനത്തിന് പകരം വെള്ളമാണ് നിറച്ചിരുന്നതെന്ന വിചിത്രമായ കണ്ടെത്തലാണ് ഇതിൽ പ്രധാനം. മിസൈലുകളിൽ ഇന്ധനം എപ്പോഴും നിറച്ചു വെക്കാറില്ല. വിക്ഷേപണത്തിന് തൊട്ടുമുൻപ് മാത്രമാണ് സാധാരണയായി ലിക്വിഡ് ഫ്യുവൽ നിറയ്ക്കുന്നതെന്ന് ചില വിദഗ്ദർ പറയുന്നുണ്ടെങ്കിലും ചില കർശനമായ നടപടികൾ പ്രസിഡന്റ് എടുത്തിരിക്കുന്നു.

പടിഞ്ഞാറൻ ചൈനയിലെ മിസൈൽ വിക്ഷേപണ കേന്ദ്രങ്ങളിൽ സ്ഥാപിച്ചിരിക്കുന്ന കവറുകൾ കൃത്യമായി തുറക്കാൻ കഴിയാത്ത രീതിയിലുള്ളവയാണെന്നും റിപ്പോർട്ടുകൾ പറയുന്നു. ഇത് യുദ്ധസമയത്ത് മിസൈലുകൾ വിക്ഷേപിക്കുന്നത് അസാധ്യമാക്കുമെന്നും റിപ്പോർട്ടുകൾ. അതേസമയം, ഈ റിപ്പോർട്ടിനെതിരെ ചില പ്രതിരോധ വിദഗ്ധർ രംഗത്തെത്തിയിട്ടുണ്ട്.

ADVERTISEMENT

മിസൈൽ സൈലോകളുടെ മൂടികൾ തുറക്കാതിരിക്കുന്നത് കേവലം ഒരു ചെറിയ മെക്കാനിക്കൽ പിശക് മാത്രമാകാൻ സാധ്യതയുണ്ടെന്നും, അത് ചൈനയുടെ മുഴുവൻ മിസൈൽ ശക്തിയെയും ബാധിക്കില്ലെന്നും ഇവർ വാദിക്കുന്നു. എന്നാൽ പടിഞ്ഞാറൻ ചൈനയിലെ സൈലോ നിർമ്മാണത്തിൽ വലിയ ക്രമക്കേട് നടന്നിട്ടുണ്ടെന്ന കാര്യത്തിൽ പല ഏജൻസികളും യോജിക്കുന്നു.

ജനറൽ ഷാങ് യൂക്സിയയുടെ അറസ്റ്റും സുരക്ഷാ വീഴ്ചയും

ഷി ജിൻപിങ്ങിന്റെ ഏറ്റവും വിശ്വസ്തനും ഉന്നത സൈനിക ഉദ്യോഗസ്ഥനുമായിരുന്ന ജനറൽ ഷാങ് യൂക്സിയയെ കഴിഞ്ഞ ജനുവരി 19ന് കസ്റ്റഡിയിലെടുത്തത് വലിയ ചർച്ചയായിരുന്നു. ചൈനയുടെ ആണവായുധ രഹസ്യങ്ങൾ യുഎസിന് ചോർത്തി നൽകി, സ്ഥാനക്കയറ്റത്തിനായി കോഴ വാങ്ങി, ചൈനീസ് പീപ്പിൾസ് ലിബറേഷൻ ആർമിയുടെ യുദ്ധസന്നദ്ധതയെ തകർത്തു തുടങ്ങിയ ഗുരുതരമായ ആരോപണങ്ങളാണ് അദ്ദേഹത്തിനെതിരെയുള്ളത്. ആണവ സുരക്ഷയുമായി ബന്ധപ്പെട്ട വീഴ്ചകളാണ് ഷാങ്ങിനെതിരെയുള്ള അന്വേഷണത്തിന് പിന്നിലെന്ന് പറയപ്പെടുന്നു.

വാദപ്രതിവാദങ്ങൾ

ADVERTISEMENT

അതേസമയം ബ്ലൂംബെർഗ് പുറത്തുവിട്ട ഈ റിപ്പോർട്ടുകളെ ഏഷ്യ ടൈംസ് പോലുള്ള മാധ്യമങ്ങൾ തള്ളിക്കളയുന്നുണ്ട്. ലിക്വിഡ് ഇന്ധനം ഉപയോഗിക്കുന്ന മിസൈലുകളിൽ ഇന്ധനം എപ്പോഴും നിറച്ചു വെക്കാറില്ലെന്നും, അങ്ങനെ ചെയ്യുന്നത് മിസൈൽ ടാങ്കുകൾ നശിക്കാൻ കാരണമാകുമെന്നുമാണ് ഇവരുടെ വാദം. എന്നാൽ, ചൈനയുടെ സൈനിക സന്നദ്ധതയെ ഈ അഴിമതികൾ ബാധിച്ചിട്ടുണ്ടെന്ന കാര്യത്തിൽ അന്താരാഷ്ട്ര നിരീക്ഷകർക്ക് സംശയമില്ല.

“ചൈനയുടെ മിസൈലുകളിൽ വെള്ളം കണ്ടെത്തിയത് ഗൗരവകരമാണ്. എന്നാൽ ഇത് പരിഹരിക്കാനും ചൈനയുടെ ആണവശക്തി വർദ്ധിപ്പിക്കാനും ഷി ജിൻപിങ് നടത്തുന്ന ഈ കർക്കശ നടപടികൾ ഭാവിയിൽ ചൈനയെ കൂടുതൽ ശക്തമാക്കിയേക്കാം.” – സെന്റർ ഫോർ സ്ട്രാറ്റജിക് ആൻഡ് ഇന്റർനാഷണൽ സ്റ്റഡീസ്

എന്താണ് ലക്ഷ്യം?

സൈന്യത്തിലെ അഴിമതി ചൈനയുടെ പ്രതിരോധ ശേഷിയെ തകർക്കുന്ന ‘ബാധ്യത’ ആയി മാറുന്നതിന് മുൻപ് അത് വേരോടെ പിഴുതെറിയാനാണ് ഷി ജിൻപിങ്ങിന്റെ നീക്കം. ഒരു ആധുനിക യുദ്ധം നേരിടാൻ ചൈന എത്രത്തോളം സജ്ജമാണെന്ന ചോദ്യമാണ് ഈ സംഭവങ്ങൾ ഉയർത്തുന്നത്.

ADVERTISEMENT